Үкімет азық-түлік тауарларына бағаны тұрақтандыру тетіктерін қарастырды
Бұл тетіктерді жүзеге асыру үшін "тұрақтандыру қоры" ұғымын алып тастауға және "азық-түлік тауарларына бағаны тұрақтандыру тетіктері" ұғымын енгізу бойынша АӨК Заӊына өзгерістер енгізілетін болады.
Астана. 12 желтоқсан. Kazakhstan Today -Тұрақтандыру қорларыныӊ жұмыс істеу ережелерін өзгерту туралы кезекті Үкімет отырысында қарастырылды. Ауыл шаруашылығы министрлігі тұрақтандыру қорларын жүзеге асыру тетіктерін нақты белгілеуден бас тартып, азық-түлік тауарларына бағаны тұрақтандырудыӊ түрлі тетіктерін пайдалану мүмкіндігін белгілеуді ұсынды.
"Осыған орай, біз азық-түлік тауарларына бағаны тұрақтандыру бойынша үш тетікті ұсынамыз", - деді ауыл шаруашылығы бірінші вице-министрі Қайрат Айтуғанов.
Біріншіден, қазіргі тұрақтандыру қорларыныӊ жұмыс тәртібін жеӊілдету. Бүгінде тұрақтандыру қорларыныӊ ресурстарын сатып алу немесе оны өткізу туралы шешімді қабылдау үрдісі тым реттемеленген. Тек тауарлар тізімі мен шекті үстемені Комиссиямен келісу үдерісін қалдыру ұсынылады.
Екінші тетік бойынша ИКК-ға мемлекеттіӊ жарғылық капиталға 49% кем емес қатысу үлесімен мемлекеттік-жекешелік әріптестік негізінде компания құру мүмкіндігін беру ұсынылады. Жеке меншік кәсіпорын үшін бұл жоба ИКК ұсынған тауарлық немесе ақшалай несие ресурсы, әлеуметтік дүкендер немесе басқа да ИКК нысандары арқылы тиімді болады. ИКК үшін қажетті қосымша инфрақұрылымға жұмсалатын шығындарды барынша азайту басымдық болып табылады.
Үшінші тетік бойынша әкімдіктер сауда нысандарына қойылатын талаптарды әзірлейді. Осы критерийлер бойынша өткен сауда нысандарымен келісімшарттар жасалады, онда әкімдік тарапынан нысанды несиелендіру, сауда нысаны тарапынан келісімшартта көрсетілген белгіленген баға бойынша азық-түліктердіӊ белгілі бір тізімін сату туралы міндеттемелер қарастырылған.
Бұл тетіктерді жүзеге асыру үшін "тұрақтандыру қоры" ұғымын алып тастауға және "азық-түлік тауарларына бағаны тұрақтандыру тетіктері" ұғымын енгізу бойынша АӨК Заӊына өзгерістер енгізілетін болады.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.