Үкіметте мемлекеттік-жекеменшік әріптестікті дамытудың жаңа жолдары талқыланды
Қазақстандағы мемлекеттік-жекеменшік әріптестік институты мемлекет пен бизнес қарым-қатынасының үлгісі ретінде "Концессиялар туралы" Заң қабылданып, қажетті нормативтік-құқықтық база дайындалған 2006 жылдан бастап дами бастаған.
Астана. 25-сәуір. Kazakhstan Today - Кеше Үкімет отырысында экономикалық даму және сауда министрі Бақытжан Сағынтаев ортамерзімдік кезеңде мемлекеттік-жекеменшік әріптестікті әрі қарай дамытудың негізгі жолдарын таныстырды, деп хабарлайды Kazakhstan Today агенттігінің тілшісі.
Қазақстандағы мемлекеттік-жекеменшік әріптестік институты мемлекет пен бизнес қарым-қатынасының үлгісі ретінде "Концессиялар туралы" Заң қабылданып, қажетті нормативтік-құқықтық база дайындалған 2006 жылдан бастап дами бастаған.
Б.Сағынтаевтың айтуынша, қазіргі таңда Қазақстанда 6 концессиялық жоба іске асырылуда, оның ішінде концессияның 3 нысаны (Солтүстік Қазақстан-Ақтөбе облысы" электр желісі, "Шар-Өскемен" теміржолы, Ақтау әуежайының жолаушылар терминалы) пайдалануға берудің алдында болса, қалған 3 нысан жоспарлану кезеңінде (Қарағандыдағы балабақшалар кешені, "Ералиев-Құрық" теміржолы, Ақтөбе облысының Қандығаш қаласындағы газ-турбиналы электр стансасы). Мемлекеттік-жекеменшік әріптестіктің тағы 7 жобасы зерделенуде.
Дегенмен, мемлекеттік-жекеменшік әріптестікті әрі қарай дамыту үшін аталмыш жобаларды іске асырудың қаржы тетіктерін кеңейтуге, әріптестік келісімшарттарының жаңа түрлерін енгізуге, мемлекеттік-жекеменшік әріптестіктің қолданыс салаларын кеңейтуге, МЖИ жобаларын әзірлеу және оларды іске асыру процедураларын оңтайландыруға, сондай-ақ әріптестік жобаларын іске асыруға институционалдық қолдау көрсетуге бағытталған шараларды ортамерзімдік кезеңде жүзеге асыру ұсынылуда.
"Жалпы алғанда, мемлекеттік-жекеменшік әріптестікті дамыту бюджетке түсетін салмақты азайтып, қоғамдық қызметтер көрсету саласына жекеменшік секторды тартуды қамтамасыз етеді",- деп түйіндеді өз сөзін экономикалық даму және сауда министрі.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.