АСТАНА. 5 - маусым. Kazakhstan Today. Үкіметте зейнетақы активтерін сақтандыру қорын құру туралы мәселе қаралуда. Бұл туралы бүгін үкімет отырысында Қазақстан Республикасының қаржы нарығы мен қаржылық ұйымдарды реттеу және қадағалау жөніндегі агенттіктің төрағасы Арман Дунаев мәлім етті, деп хабарлайды Kazakhstan Today агенттігінің тілшісі.
"Бүгінде банк жүйесіндегі жеке тұлғаның депозиттеріне кепілдік беру қоры тектес зейнетақы төлемдеріне кепілдік беру қорын құру жөніндегі мәселелер мен ұсыныстар қаралуда",- деді Арман Дунаев. Ол, "бұл жерде негізгі екі проблема бар екендігін" атап өтті. Біріншіден, мемлекеттік қаржылық қадағалау мекемесі басшысының түсіндіруінше, бір немесе бірнеше зейнетақы жинақ қорын таратқан немесе дефолтқа ұшыраған жағдайда "кепілдік қор қаржысы барлық кепілдік берілген қаржыны төлеуге жетпейді".
"Сонымен қатар, зейнетақы активтерін ойдағыдай басқарып отырған зейнетақы қорлары басқа да қорлардың сапасыз жұмысына жауап беруден бас тарта алады",- деп қосты Арман Дунаев. Оның хабарлауынша сондай-ақ, сақтандыру қорын құрған жағдайда салым оған салымшының зейнетақы жинағы есебінен түседі. Сөйте тұра, олар үшін "инвестицияық кірістің төмендеу проблемасы туындайды", деп санайды А. Дунаев. "Бұл проблемаларды тағы да жан-жақты талқылап, соңғы шешімді қабылдау керек",- деп атап өтті ол.
Осыған байланысты республикамыздың премьер-министрі Кәрім Мәсімов әлеуметтік реформаны одан әрі тереңдету бағдарламаларын жүзеге асыруға қатысты іс-шаралар жоспарына сәйкес осындай қор құрудың орындылығын осы айдың аяғына дейін анықтауды тапсырды. Сонымен қатар, еліміздің еңбек және әлеуметтік қорғау министрі Гүлжан Қарағұсова "зейнетақы активтерін ұжымдық сақтандыру қорын қордың өз қаржысының есебінен құру туралы ереже еліміздің заңында қарастырылғандығын" еске сала кетті. "Бірақ оған зейнетақы жинақтаушы қорлардың өзі қарсылық көрсетуде",- деді ол.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Үкіметте зейнетақы активтерін сақтандыру қорын құру туралы мәселе қаралуда - Қаржылық қадағалау агенттігінің басшысы
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.