Илібекмола Қожасай кеніштерінде газ өңдейтін кешен іске қосылды
ҚазАқпарат агенттігінің хабарлауынша, елордадағы "Сарыарқа" велотрегінде Индустрияландыру күні аясында өтіп жатқан телекөпір барысында Елбасы Нұрсұлтан Назарбаев "Қазақойл-Ақтөбе" ЖШС-нің газ өңдеу зауытын іске қосты.
Ақтөбе. 9-желтоқсан. Kazakhstan Today - Илібекмола Қожасай кеніштерінде газ өңдейтін кешен іске қосылды, деп хабарлайды Kazakhstan Today агенттігінің тілшісі.
ҚазАқпарат агенттігінің хабарлауынша, елордадағы "Сарыарқа" велотрегінде Индустрияландыру күні аясында өтіп жатқан телекөпір барысында Елбасы Нұрсұлтан Назарбаев "Қазақойл-Ақтөбе" ЖШС-нің газ өңдеу зауытын іске қосты.
Соңғы жылдардың ішінде Ақтөбе облысында жаңа индустриялды саясаттың нәтижесінде бүгінгі күнге және болашаққа жұмыс жасайтын көтеген жаңа өндірістер іске қосылғандығын атап өткен облыс басшысы Архимед Мұхамбетов : "Бұл тау-кен металлургиясы, құрылыс индустриясы, агрөнеркәсіп кешеніндегі жобалар. Қазақстанның даму мазмұнына сәйкес барлық кәсіпорындарында еңбек өнімділігін және қайта өңдеу деңгейін арттыратын инновациялық технологиялар тұрақты енгізілуде. Осы жылы үдемелі индустриялды-инновациялық даму бағдарламасы аясында өңірде 27 жолба іске қосылады. Соның бірі "Қазақойл-Ақтөбе" ЖШС-нің газ өңдеу зауыты", - деді ол.
Өңір басшысының атап өтуінше, зауыттың жылдық қуаты 420 млн текше метр газ өңдеуге қауқарлы. Жалпы құны - 41,7 млрд. теңге. Зауыттың құрылысы барысында 1,5 мың адам жұмыспен қамтылды.
"Бізде Ақтөбе облысы мұнай-газ өндіретін маңызды өңірдің бірі болып саналады. Газ өндіру мәселесі Қазақстанға қажет. Сондықтан жылдан-жылға газ өндіруді өркендетіп келе жатқан Ақтөбе облысына ризашылығымды айтамын. Мынау жаңа өндіріс орны құтты болсын, баршаңызды табыстарыңызбен құттықтаймын. Баршаңызға денсаулық, зор табыс тілеймін. Келе жатқан мерекемен құттықтаймын. Зауытты іске қосыңыздар", - деді Елбасы.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.