Ұлттық банк ағымдағы жылдың аяғына дейін теңгенің айырбас бағамы бойынша айтарлықтай өзгерістер болмайды деп болжайды
Ұлттық банк ағымдағы жылдың аяғына дейін теңгенің айырбас бағамы бойынша айтарлықтай өзгерістер болмайды деп болжайды.
Астана. 19 қазан. "Қазақстан Бүгін" - Ұлттық банк ағымдағы жылдың аяғына дейін теңгенің айырбас бағамы бойынша айтарлықтай өзгерістер болмайды деп болжайды. Бұл туралы бүгін ҚР Ұлттық банкі төрағасының орынбасары Данияр Акишев сенаттың жалпы отырысында сөйлеген сөзінде мәлімдеді, деп хабарлайды агенттік тілшісі.
"Біз айырбас бағамы бойынша осы жылдың аяғына дейін қандайбір айтарлықтай өзгеріс күтіп отырған жоқпыз", - деді Д. Акишев.
Оның түсіндіруінше, "ағымдағы уақыт ішінде қуат көздерінің бағасы жоғары деңгейде сақталып отыр, ал мұнай бағасы осы жылдың аяғына дейін бір барреліне $80 деңгейінен төмендемейді деп күтілуде".
"Бұл экспорттан түсетін валюта мөлшерінің артуына түрткі болып, ішкі валюта нарығындағы шетел валютасының ұсынысын қамтамасыз етеді", - деді Д. Акишев.
Сонымен бірге, "әлемдік нарықта доллар бағамы барлық валюта түрлеріне шаққанда төмендей түсуде, тиісінше оның теңгеге шаққандағы бағамы да құлдырай түспек".
"Қазақстанның коммерциялық банктері шетелдерде қайта қаржылану қабілетін қалпына келтіріп алды. Ұлттық банктің алдын-ала бағалауынша, коммерциялық банктер өз берешектеріне қатысты мәселені табысты шешуде. Мәселен, қазан айының алғашқы он екі күнінде коммерциялық банктер $1 млрд. 200 млн. көлемінде несие тарта алды", - деді Ұлттық банк төрағасының орынбасары.
Бұған қоса Д. Акишев "еліміздегі валюта нарығындағы ахуал тұрақты қалпында, Ұлттық банк валюта нарығына іс жүзінде қатысып отырған жоқ", деп атап өтті.
Осыған байланысты Ұлттық банктің пікірінше, "қазіргі таңда ұлттық валютаның бағамын шұғыл өзгертуге негіз жоқ".
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.