Ұлттық банк Астанаға көшуге асықпайды - Қ.Келімбетов
Астана. 23 Қазан. Kazakhstan Today - Астанаға инвестмент-банкинг көшеді, ал банктік ритейл, сақтандыру компанияларыныӊ ритейлдері қазіргі қаржы секторында қалады, себебі Алматыныӊ аумағында 2-3 млн адам тұрады. Бұл туралы баспасөз мәжілісі барысында ҚР Ұлттық банкініӊ басшысы Қайрат Келімбетов мәлім етті, деп хабарлайды Kazakhstan Today агенттігініӊ тілшісі.
"Изірге көшпейміз. Жалпы Астанада халықаралық қаржы орталығын құру бүгінгі күні Қазақстанда әлі дамымаған басқа қаржылық қызметтердіӊ қор нарығын қалыптастыру үшін қолға алынды. Оларды атап айтар болсақ, қоғамдық және жеке капиталды басқару, ислам қаржыландыруы, болашақта халықаралық нарықтарда зейнетақы қаржысын басқару қызметтері. Бұл алдағы 5-10 жылда дамыту қажет қаржы саласыныӊ басқа бөлігі. Банктік ритейл, сақтандыру компанияларыныӊ ритейлдері қазіргі қаржы институттарында, қазіргі қаржы секторында қала береді, себебі Алматы маӊында 2-3 млн халық тұрады, барлық ритейл осы жерде, барлық басқарушы бөлімдер", - деді Қайрат Келімбетов, деп хабарлайды bnews.kz тілшісі.
Ол сондай-ақ қаржыны үнемдеу мақсатында Астанаға көшу біршама уақытқа кейінге шегерілетініне Үкімет түсіністік танытып отырғанын атап өтті.
"Біз көшуге асықпаймыз және осынау екі хабтыӊ арасында ешқандай антагонизм болмайды. Бір хаб қалыптасқан жүйе бойынша банктік сақтандыру қызметін атқарады және ол Орталық Азияныӊ бизнес-хабына негізделген. Екіншісі біздіӊ Кеден одағымен, ШЫҰ-мен әрекеттестігіміздегі аймақтық аспектіге негізделген және біздіӊ қолымызда бар үлкен капиталдыӊ (шамамен 100 млрд доллар) базасында инвестиция тарту мақсатын көздейді. Ұлттық банктегі жұмыс бұрынғы қалыпта жүріп жатыр және Үкімет бұл мәселеге түсіністікпен қарауда, қаржыны үнемдеу мақсатында Астанаға көшу, құрылыс жүргізу талабын ешкім қойып отырған жоқ. Бірақ Президенттіӊ Жарлығы бар, онда Ұлттық банктіӊ белгілі бір бөлімдерін белгілі бір уақытта көшіру мәселесі айтылған. Яғни, ритейл мен банкинг осында қалады, ал инвестмент-банкинг, оныӊ белгілі бір түрлері Астана халықаралық қаржы орталығына көшіріледі. Сондықтан көшкісі келмейтіндерден құр бос алаӊдамауларын сұраймын", - деп қорытты Ұлттық банк басшысы.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.