Ұлттық банк "Тамғалы Петроглифтері" мен ҰҚШҰ 10 жылдығына арналған ескерткіш күміс монеталарды айналымға шығарды
ҚР Ұлттық банкі 20 желтоқсаннан бастап "Тамғалы Петроглифтері" екі ескерткіш күміс монетасын, Ұжымдық қауіпсіздік туралы шартқа (ҰҚТШ) қол қоюдың 20 жылдығына және Ұжымдық қауіпсіздік шарты ұйымының (ҰҚШҰ) 10 жылдығына арналған ескерткіш күміс монетаны айналымға шығарғаны туралы хабарлама таратты.
Алматы. 21-желтоқсан. Kazakhstan Today - Ұлттық банк "Тамғалы Петроглифтері" мен ҰҚШҰ 10 жылдығына арналған ескерткіш күміс монеталарды айналымға шығарды, деп хабарлайды Kazakhstan Today агенттігінің тілшісі.
ҚазАқпарат агенттігінің хабарлауынша, ҚР Ұлттық банкі 20 желтоқсаннан бастап "Тамғалы Петроглифтері" екі ескерткіш күміс монетасын, Ұжымдық қауіпсіздік туралы шартқа (ҰҚТШ) қол қоюдың 20 жылдығына және Ұжымдық қауіпсіздік шарты ұйымының (ҰҚШҰ) 10 жылдығына арналған ескерткіш күміс монетаны айналымға шығарғаны туралы хабарлама таратты.
Олар "Рroоf" сапасымен, 500 теңгелік номиналда шығарылып отыр. "Республика игілігі" монеталар сериясынан әрқайсысы 5 мың данадан шыққан "Тамғалы Петроглифтері" монеталарының пішіні төрт қырлы. Алтындатылған монетаның және бояу баспасы бар монетаның бет және сырт жақтарындағы бейнелер бірдей. Бет жағында, орталық бөлігінің жылтыр бетінде Қазақстан елтаңбасы мен мемлекеттік және ағылшын тілдеріндегі "ҚАЗАҚСТАН ҰЛТТЫҚ БАНКІ" деген жазулар бейнеленген. Монетаны айналдыра, стильдендірілген тас бетінде Тамғалы археологиялық ландшафтының петроглифтері салынған, ҚР Ұлттық банкінің логотипі, Қазақстан теңге сарайының тауар белгісі және төменгі жағында монетаның номиналын білдіретін "500 ТЕҢГЕ" деген жазу жазылған. Жоғары жағында монета дайындалған металл мен оның сынамын білдіретін "Ag 925" деген жазу, соғылған жылын білдіретін "2012" деген сан, монетаның массасын білдіретін "50 g" ("24 g") деген жазу, Еуразия экономикалық қоғамдастығы елдерінің ресми эмблемасы (бояу баспасы бар монетада) бар.
Монеталардың сырт жағында орталық бөлігінде тастағы жарықшақты тесіп өскен гүлмен бірге "Көк тәңірі" петроглифі бейнеленген. Бояу баспасы жоқ монетада гүлдің бейнесі алтындатылған. Монетаны айналдыра мемлекеттік және ағылшын тілдерінде "ТАМҒАЛЫ ПЕТРОГЛИФТЕРІ" деген жазулар ойып жазылған. Жазулар нүктелермен бөлінген.
Таралымы 2 мың даналық ҰҚТШ пен ҰҚШҰ-ға арналған монетада Қазақстан елтаңбасы және мемлекеттік тілде "ҚАЗАҚСТАН ҰЛТТЫҚ БАНКІ" деген жазу бар. Монетаның төменгі жағында монетаның номиналын білдіретін "500 ТЕҢГЕ" деген жазу жазылған. Номиналдың сол жағында Қазақстан теңге сарайының тауар белгісі және монетаның массасын білдіретін "31,1 gr." деген жазу, оң жағында монета дайындалған металл мен оның сынамын білдіретін "Ag 925" деген жазу бар. Монетаны айналдыра моншақты шеңбер және шығыңқы жиек орналасқан. Сырт жағында орталық бөлігінде ҰҚШҰ эмблемасы, айналдыра орыс тілінде "20 ЛЕТ ПОДПИСАНИЯ ДОГОВОРА О КОЛЛЕКТИВНОЙ БЕЗОПАСНОСТИ" деген жазу және шартқа қол қойылған 20 жылдық кезеңді білдіретін "1992", "2012" деген сандар бар. Сырт жағында шығыңқы жиек және орыс тілінде "10 ЛЕТ ОРГАНИЗАЦИИ ДОГОВОРА О КОЛЛЕКТИВНОЙ БЕЗОПАСНОСТИ" деген жазу, Шарт ұйымының жылын және монетаның соғылған жылын білдіретін "2002" және "2012" деген сандар бар. Жазулар мен сандар нүктелермен бөлінген. Монетаның бет және сырт жағындағы бейнелер мен жазулар бедерлі.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.