Үстіміздегі жылдың өрт қаупі бар маусымының басынан бері 132 гектар аумақта 34 өрт шыққан
Үстіміздегі жылдың өрт қаупі бар маусымының басынан бері 132 гектар аумақта 34 өрт шыққан
Астана. 6 мамыр. "Қазақстан Бүгін" - Үстіміздегі жылдың өрт қаупі бар маусымының басынан бері 132 гектар аумақта 34 өрт шыққан, оның екеуі- ірі орман өрті. Бұл туралы бүгін Ауылшаруашылығы министрлігінде "Орманды өрттен қорғаудың өзекті сұрақтары" деген тақырыпта өткен баспасөз мәслихатында Орман және ерекше қорғауға арналған табиғи аумақтар басқармасының бас сарапшысы Серік Тұрымбаев мәлім етті, деп хабарлайды "Қазақстан Бүгін" агенттігінің тілшісі.
Орман және аң шаруашылығы комитеті төрағасының орынбасары Игорь Ковальдің айтуынша, Республика бойынша 2008 жылы болған ірі орман өрттерін талдау орман өртінің 80% адамдардың кінәсынан болатындығын көрсетті. Былтырғы жылы ормандарда өрт қауіпсіздігі ережесін бұзушы 391 адамға 4987 мың теңге айыппұл салынды, оның 342 құқық бұзушыдан 3663 мың теңгесі өндіріліп алынды, ол барлық салынған айыппұлдың 74% құрайды.
49 құқық бұзушыға 1571 мың теңгеге талап-қуыным беріліп, оның 955,8 мың теңгесі 36 құқық бұзушыдан өндірілді (62%).
Орман өрті - бұл үлкен апат, ол тек қана орманға зиян келтірмейді, сонымен қатар қоршаған ортаға да зияны тиеді. 2008 жылы орман өртінен болған шығын республика бойынша 586896 мың теңгені құрады.
Орманда өрт қаупі туындау мүмкіндігін болғызбау үшін жергілікті тұрғындар, демалушылар, көлік жүргізушілері орманда от жақпау, жанған шырпы мен темекі қалдықтарын тастаудан сақ болулары керек. Ормандағы жұмыс үшін қолданылатын механикалық көлік құралдары өрт сөндіргіш және ұшқын өшіргіш құралдармен жабдықталуы қажет.
Өткен жылдардағы орман өртінің статистикасы өрт шегінің сәуірдің аяғына мамырдың басына және тамыз, қыркүйек айларына, яғни көктемгі егіс және егін жинау жұмыстары кезеңіне келетінін көрсетті.
Орман өрттерінің алдын алу мақсатында жергілікті атқарушы органдар аңыздарды өртеуде, сондай-ақ көктемгі және күзгі егіс жұмыстарын жүргізген кезде өрт қауіпсіздігі талаптарының орындалуын қамтамасыз етулері қажет.
Ауыл шаруашылығы Орман және аңшылық шаруашылығы комитеті орман шаруашылығы саласындағы уәкілетті орган ретінде "2008 жылдың өрт қаупі бар маусымының қорытындылары және 2009 жылдың өрт қауіпі бар маусымына дайындық жөніндегі міндеттер туралы" 2009 жылдың 30 қаңтарында № 22 бұйрықты қабылдады. Осыған сәйкес аумақтық органдар мен комитетке ведомстволық бағыныстағы ұйымдар, облыстық әкімдіктердің орман шаруашылығы құрылымдық бөлімдері және басқа да мемлекеттік орман иеленушілер 2009 жылдың өрт қауіпі бар маусымына дайындық жөнінде іс-шаралар жүргізді, сондай-ақ орман өрттерімен күрес жөнінде басқа да мүдделі мемлекеттік органдармен біріккен іс-шаралар жоспары келісілді.
Ақпаратты пайдаланған жағдайда "Казахстан Сегодня" ақпараттық агенттігіне гиперсілтеме жасау міндетті. «Қазақстан Бүгін» Ақпараттық агенттігінің материалдарына авторлық құқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.