Қызылорда облысында майлы дақылдардың экспорттау көлемін арттыру жоспарлануда
Бүгінгі күні облыс бойынша жалпы көлемі 10,5 га құрайтын барлығы 164 жылыжай бар. Тұрғындарды маусымаралық кезеңде жылыжай өнімдерімен қамтамасыз ету үшін үстіміздегі жылы жаңадан 6,395 га болатын 43 жылыжайды іске қосу жоспарлануда.
Қызылорда. 14 шілде. Kazakhstan Today - Қазіргі таңда Қызылорда облысында майлы дақылдардың экспорттау көлемін арттыру және облыс тұрғындарын маусымаралық кезеңде жылыжай өнімдерімен қамтамасыз ету жоспарлануда.Бұл туралы Өңірлік коммуникация қызметінің ақпарат алаңында облыстық ауыл шаруашылығы басқармасының басшысы Бақыт Жаханов баяндады.
Бүгінгі күні егіс егу межеден 5,2 мың гектарға артық орындалып 183,8 мың гектарды құрады. Мұнын ішінде облыста егілген майлы дақылдар көлемі соңғы 5 жылда 6 мың гектарға артып бүгінде 7 мың гектарды құрады.
"Қазіргі таңда біз егілген майлы дақылдар оның ішінде сафлор майының көлемін арттырудамыз. Бұл дақылдар шет мемлекеттерде өте құнды болып есептеледі. Майлы дақылдардың экспорт көлемін ұлғайтуды жоспарлап отырмыз. Біздің аймақтың климаты дақылдарды өсіруге өте қолайлы", - деді Бақыт Жаханов.
Бүгінгі күні облыс бойынша жалпы көлемі 10,5 га құрайтын барлығы 164 жылыжай бар. Тұрғындарды маусымаралық кезеңде жылыжай өнімдерімен қамтамасыз ету үшін үстіміздегі жылы жаңадан 6,395 га болатын 43 жылыжайды іске қосу жоспарлануда.
Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.