Система Orphus

Қызылорда облысында өткен жылы жұмыссыздық деңгейі 4,7 пайызға төмендеді

13.02.2020, 21:17 9181

Қызылорда. 13 ақпан. Kazakhstan Today - Бүгін облыстық қоғамдық кеңес алдында облыс әкімі Қуанышбек Ысқақов есеп берді.

Бейресми жұмыспен қамтылғандар жұмыссыздық деңгейін төмендетуге кері әсер етіп отыр. Қызылорда облысында өткен жылы жұмыссыздық деңгейі 4,7 пайызға төмендеген.

Жергілікті билік кәсіпорындарда қызметкерлерді жаппай қысқартуларды болдырмауға және бұл көрсеткішті бірнеше жыл қатарынан 4,8 пайызбен орта республикалық көрсеткіштен асырмауға нақты жұмыс жасаған.

Қабылданған жүйелі шаралардың нәтижесінде соңғы 3 жылда жұмыс жасап тұрған кәсіпкерлік субъектілерінің саны 24 пайызға, шағын және орта бизнесте жұмыспен қамтылғандардың саны - 7,5 пайызға, ал, салық түсімдерінің көлемі тек соңғы жылдың өзінде шамамен 11 пайызға артқан.

Облыстық қоғамдық кеңес алдында есеп берген аймақ басшысы Қуанышбек Ысқақов шағын және орта кәсіпкерлік субъектілерімен өндірілген өнім көлемінің үлесі төмен деңдейде екенін атап өтті.

"Президенттің тапсырмасына сәйкес, шағын және орта бизнестің өңірдің өндірілген өнімдегі үлесі 2025 жылы 35 пайыз болуы тиіс. Ал бізде, өткен жылдың 9 айы бойынша 16,5 пайыз ғана.

Мұнымен қоса бейресми жұмыспен қамтылғандар жұмыссыздық деңгейін төмендетуге, салық түсімін арттыруға кері әсер етіп отыр. Ендігі бір, мәселе, ол бейресми жұмыспен қамтылғандарды заңдастыру, рәсімдеп, тіркеуге алу",- деді облыс әкімі Қуанышбек Ысқақов.

Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.

При использовании информации, гиперссылка на информационное агентство Kazakhstan Today обязательна.

Комментарии

тақырып бойынша жаңалықтар

Ең көп оқылғаны