Система Orphus

Жаңаөзенде жаңа жұмыс орындары ашылады

05.03.2020, 19:50 6589

Ақтау. 5 наурыз. Kazakhstan Today - Бүгін Маңғыстау облысының кәсіпкерлер палатасында аймақ басшысы С. Трұмовтың қатысуымен Өңірлік кеңесі мүшелерімен кеңейтілген отырыс өтті.

"Үкімет тапсырмасына сәйкес, Маңғыстау облысының әкімдігіне әлеуметтік-инвестициялық жобаларды жасақтау тапсырылған болатын. Осыған орай, Жаңаөзен қаласында жұмыспен қамтуды ынталандыру үшін "Өзенмұнайгаз" акционерлік қоғамының сатып алуларын оқшаулау арқылы кәсіпкерлік субъектілерін тарту жұмыстары жүргізіліп, қорытындысында 33 компаниядан 39 жоба бойынша ұсыныс келіп түскен болатын",- деп атап өтті облыс әкімі Серікбай Трұмов.

Маңғыстау облысының кәсіпкерлер палатасының директоры Нұрбек Қарасаевтың айтуынша, барлық жобалар бойынша инвестиция сомасы 25 млрд.теңгені құрайды және 1 300-ден астам жаңа жұмыс орындары ашылады деп жоспарлануда. Қазіргі таңда, жалпы сомасы 759 млн.теңгені құрайтын екі жоба бойынша келісім-шартқа қол қойылды, оның нәтижесінде 40-тан астам жаңа жұмыс орындары ашылатын болады. Келісімшарт жасақтау сатысында 5 жоба қарастырылуда.

Сонымен қатар, Қазақстан Республикасы Премьер-Министрі орынбасарымен Жаңаөзен қаласында кәсіпкерлікті дамыту және жұмыспен қамтуды ынталандыру бойынша жобаның Жол картасы бекітілді.

""Өзенмұнайгаз" АҚ сатып алуларына кәсіпкерлік субъектілерін тарту және оқшаулау арқылы Жаңаөзен қаласында жұмыспен қамту бойынша өңірлік бірлескен жұмыс тобы құрылды. Жұмыс тобының басшысы болып - облыс әкімінің бірінші орынбасары Әлихан Қыраубаев және хатшысы ретінде Кәсіпкерлер палатасының басшысы Нұрбек Қарасаев тағайындалды.

Осы уақытқа дейін, аталған жұмыс тобының 5 отырысы өтіп, жобаларды жүзеге асырудағы мәселелер бойынша сұрақтар қарастырылды.

Шара соңында Жаңаөзен қаласының әкімдігі, "Өзенмұнайгаз" акционерлік қоғамы және Маңғыстау облысының кәсіпкерлер палатасымен үшжақты меморандумға қол қойылды. Осы меморандум аясында "ӨзенМұнайГаз" компаниясы сатып алуды жүзеге асыру тәртібін сақтай отырып, жұмыс орындарын құру жөніндегі мәселенің әлеуметтік маңыздылығын ескеріп, "Самұрық-Қазына "ҰӘҚ" АҚ-ның сатып алу стандарты жобасын іске асыру үшін жағдай жасауға міндетті.

Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.

При использовании информации, гиперссылка на информационное агентство Kazakhstan Today обязательна.

Комментарии

тақырып бойынша жаңалықтар

Ең көп оқылғаны