Жаһандық экономикаға жаһандық валюта қажет
"Илемдік экономикадағы мүдделер теңгерімі дамыған және дамушы елдердің арасында ауысып тұруы керек. Және Халықаралық валюта қоры мен Еуропалық қайта құру және даму банкінің аясында орын алатын осындай орын ауысулардың алғашқы белгілері байқалуда",- деді Роберт Манделл.
Астана. 23-мамыр. Kazakhstan Today - Жаһандық экономикаға жаһандық валюта қажет, деп хабарлайды Kazakhstan Today агенттігінің тілшісі.
Дамушы елдердің арасындағы сауда-саттық бірінші орынға шығып келеді, есесіне дамыған елдерде төмендеу динамикасы байқалуда, деп мәлім етті экономика саласы бойынша Нобельдік сыйлықтың лауреаты, Колумбиялық университеттің профессоры Роберт Манделл V Астана экономикалық форумында соңғы 10 жылдағы әлемдік экономикадағы маңызды оқиғаларға тоқталған сөзінде.
"Илемдік экономикадағы мүдделер теңгерімі дамыған және дамушы елдердің арасында ауысып тұруы керек. Және Халықаралық валюта қоры мен Еуропалық қайта құру және даму банкінің аясында орын алатын осындай орын ауысулардың алғашқы белгілері байқалуда",- деді Роберт Манделл.
Нобельдік сыйлық лауреатының пікірінше, америка долларының және еуроның тұрақты және теңгерімді бағамдары жаһандық қаржы жүйесінің орнықтылығының кепілі болады. АҚШ еуро сатып алуы, ал Еуроодақ өз кезегінде доллар сатып алуы керек, осылайша олар әлемдік қаржы жүйесін орнықтырулары және ортақ жауапкершіліктерін көрсетулері керек. Уақыт өте келе бұл жүйеге қытай юаны да қосылуы мүмкін.
"Бірлескен өзара іс-қимылдардың арқасында 20 жылдан кейін жаңа валюта пайда болуы ықтимал және оның бір ғана елдің немесе өңірдің валютасы болуы міндетті емес. Осы тұрғыда мен Назарбаев мырзаның пікірімен келісемін: Жаһандық экономикағажаһандық валюта керек",- деп қорытындылады өз сөзін Р.Манделл.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.