Жалпыұлттық телекөпір барысында машина жасау саласындағы үш кәсіпорын пайдалануға берілді
ҚР үкімет басшысының баспасөз қызметінің хабарлауынша, Жалпыұлттық телекөпір барысында Елбасы Н.И.Назарбав машина жасау саласы бойынша Индустрияландыру картасының үш жаңа нысанын пайдалануға онлайн режімінде рұқсат берді.
Астана. 26-желтоқсан. Kazakhstan Today - Жалпыұлттық телекөпір барысында машина жасау саласындағы үш кәсіпорын пайдалануға берілді, деп хабарлайды Kazakhstan Today агенттігінің тілшісі.
ҚР үкімет басшысының баспасөз қызметінің хабарлауынша, Жалпыұлттық телекөпір барысында Елбасы Н.И.Назарбав машина жасау саласы бойынша Индустрияландыру картасының үш жаңа нысанын пайдалануға онлайн режімінде рұқсат берді.
"Индустрияландыру мұнай, газ, металлургия және басқа да өндіру кәсіпорындарын өндіріспен қамтамасыз етуі қажет. Мен үлкен қанағаттану сезімімен бұл кәсіпорындарды іске қосуға рұқсат беремін. Барлық кәсіпорындардың ұжымдарын осы маңызды оқиғамен құттықтаймын", - деді Президент Н.И.Назарбаев.
Осылайша, Шығыс Қазақстан облысында қуаты жылына 4 мың вагон жиынтығы болатын "ШығысМашЗауыт" вагон құю өндірісі компаниясы іске қосылды. Бұл жобаны іске қосу вагон жетіспеушілігі мәселесін жойып, жылжымалы құрамның қызмет ету ұзақтығын арттырады, 456 жұмыс орны құрылады.
Бұдан басқа, өндірістік қуаты қайта өңдеуден өткізілген маневрлік тепловоздар өндірісі де іске қосылды. Кәсіпорындағы қазақстандық мазмұнның үлесі 51% құрайды.
Тепловоздарда отандық кешендік локомотивтік қауіпсіздік құрылғылары орнатылған. 2016 жылға қарай жылына 50 тепловоз өндіру жоспарлануда, 110 жаңа жұмыс орыны құрылады.
Сондай-ақ мұнай өнеркәсібі үшін өнім өндіретін жаңғыртылған "Мұнаймаш" кәсіпорыны іске қосылды, жобаның құны - 1,498 млрд теңге. Жобалық қуаты- жылына 7,5 мың сорғы жиынтығы.
"Өнімділік-2020" бағдарламасы бойынша "БРК-лизинг" арқылы жоғарытехнологиялық қондырғылар сатылып алынды, ол өндірілетін өнім көлемін ұлғайтып, оны жасау уақытын қысқартады, ал заманауи бағдарламалық қамтамасыз етулер, жұмысты компьютерлендіру өнім жасаудағы жоғары деңгейлі нақтылықтың кепілі. Оның үстіне, жаңа технологиялар механикалық өңдеу өнімділігінен бес есе артық өсімді қамтамасыз етеді, сондай-ақ электр энергиясы шығынын жылына 10 млн теңгеге үнемдейді.
Бүгін Үдемелі индустриялдық-инновациялық дамудың мемлекеттік бағдарламасы шеңберінде 2012 жылдың ІІ жартысында пайдалануға берілген Индустрияландыру картасының инвестициялық жобаларының тұсаукесеріне арналған Жалпыұлттық телекөпір барысында Елбасы Нұрсұлтан Назарбаев 10 жаңа кәсіпорынды іске қосады.
Индустрияландыру картасында барлығы 779 жоба бар. 2012 жылы Индустрияландыру картасы шеңберінде 162 жаңа өндіріс орны іске қосылды.
2010-2012 жылдар арасында 537 жоба іске қосылды, 277 жоба (немесе іске қосылғандардың 51,6%) - 50% және одан жоғары деңгейде жүктеме алған, ал 141- толық көлемде жұмыс істеп тұр. Бұдан басқа, 305 кәсіпорын түпкі өнімді өндірсе, 36 кәсіпорын 520 миллиард теңгенің өнімдерін экспортқа шығарды. Жаңа кәсіпорындар 1 триллион 400 миллион теңгенің өнімін өндірді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.