Жамбыл облысында жеміс-көкөніс кластері құрылады
Жамбыл облысында жеміс-көкөніс кластері құрылады
Тараз. 6 мамыр. "Қазақстан Бүгін" - Жамбыл облысында жеміс-көкөніс кластері құрылады. Бұл туралы Жамбыл облысының әкімі Бөрібай Жексембин мәлімдеді, деп хабарлайды "Қазақстан Бүгін" агенттігінің тілшісі.
"Қазіргі уақытта жеміс бақшаларының, жүзімдіктердің көлемін ұлғайту және бақша саласын дамыту бойынша жұмыс жоспарлы түрде жүргізілуде", - деп мәлім етті облыс әкімі.
Бақша саласымен айналысатын ауыл шаруашылық өнімін өндірушілер үшін республикалық бюджеттен айтарлықтай субсидиялар қарастырылған. Биыл Жамбыл облысындағы жеміс ағаштарының көшеттері 1187 гектар аумаққа егіледі. Бұл былтырғы жылмен салыстырғанда айтарлықтай көп. Тағы 30 гектар жүзім алқабы үшін бөлінген.
Бұрнағы жылдары Жамбыл облысы өзінің бау-бақша және жеміс-жидек шаруашылықтарымен мақтанатын. 90 жылдардағы өтпелі кезеңде жағдай нашарлап кетті. Өңделетін ауыл шаруашылық жерлері ондаған есе қысқартылды.
"Бүгінгі таңдағы мемлекеттік көмектің үлесі әрбір гектарына 425 мың теңгеден келеді. Алдағы үш жылда тағы 96 мың теңгеден дотация бөлінбек", - деп хабарлады облыстық ауыл шаруашылық департаментінің директоры Мұрат Қосылбеков.
Мемлекеттің бау-бақша саласына көрсетіп отырған жәрдемі өңірдің агроқұрылымдарының дамуына дем береді.Алдағы үш жылда облыстағы жеміс-көкөніс бақшалары мен жүзімдіктер 6 мың гектар жерге егіледі.
"Өңір экономикасының аграрлық саласында ауыл шаруашылығы өнімінің өндірістік көлемін арттырудағы оң үрдіс байқалып отыр", - деді Б. Жексембин. 2007 жылы ауыл шаруашылығының жалпы өнімі 48 млрд теңгеге шығарылған немесе 2006 жылдың деңгейінің 104,7 пайызын құрайды. Жалпы алғанда 2006-2008 жылдарға арналған облыстық бірінші кезектегі шаралар бағдарламасын, 2006 - 2010 жылдарға арналған Қазақстан Республикасының агроөнеркәсіп кешенінің тұрақты даму концепциясын жүзеге асыру үшін 6,2 млрд теңге бөлінген және игерілген. Оның ішінде 2007 жылы 3,3 млрд теңге жұмсалған. Оның 731,2 млн теңгесі ауыл шаруашылығы өнімдерін қолдауға бағытталған.
Бүгінгі күндегі жалғыз проблема Шу мен Талас өзендеріндегі су деңгейінің жеткіліксіздігі. Ол өзендердің су жіберуі Қырғызстан жағынан шектеліп отыр.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.