Жамбыл облысындағы шегірткемен күрес тоқтаудың аз-ақ алдында
Жамбыл облысындағы шегірткемен күрес тоқтаудың аз-ақ алдында
Тараз. 20 мамыр. "Қазақстан Бүгін" - Жамбыл облысындағы шегірткемен күрес тоқтаудың аз-ақ алдында, деп хабарлайды "Қазақстан Бүгін" агенттігінің тілшісі.
Оған себеп Оңтүстік Қазақстан облысының егіс даласында улы химикаттар шашқан әуе компаниясына ақша төленбеген. Авиаторлардың егіс алқабын өңдеуді былай қойғанда, Жамбыл облысына жететін жол шығындары қалмай қылған.
Шегіртке қаптаған кезде авиациялық отрядтар Оңтүстік Қазақстанның мыңдаған гектар егіс алқабы мен жайылымдарына химикат шашқан. Жұмыс көлемі 6 миллион теңгеденасқан. Алайда, авиаторларға ақша төленбегелі бір аптаның жүзі болған.
"Бізбен бір де бір келісім жасалған жоқ. Біздің қызметтік шығындарымыз болды. Бізді лақтырып кетті. Менде орындалған жұмыстардың актісі бар. Алайда, оны кімге берем, кімнен ақша сұраймын, білмеймін. Мен барлық табалдырықтарды тоздырдым, барлық кабинеттерге кірдім", - деп хабарлады әуе компаниясының директорының орынбасары Бауыржан Өтепов.
Б. Өтеповтың әуе отрядын шұғыл түрде Тараздан шақырып алған. Ұшқыштар Оңтүстік Қазақстанда шығындаған қаражат Жамбыл облысының егіс даласын өңдеуге арналыпты.
"Қазіргі күні Жамбыл облысында шегірткемен күрес мемлекеттік бағдарламасының тоқтау қаупі төніп тұр. Облыс әкімдігі Төтенше жағдайлар министрлігіне сілтейді. Ал ол әкімдікке нұсқайды. Ал арасындағы мен не істерімді білмеймін", - дейді Б. Өтепов.
Жамбыл облысын шегірткеге қарсы өңдеу 8 мамырда басталған. Дегенмен авиаторлардың көмегінсіз барлық жұмыс еш кетпек.
Сонымен қатар, біздің тілшіміздің хабарлауынша, Қырызстан Республикасының Талас және Шу облыстарында шегірткелердің ауыл шаруашылық жерлеріне орын ауыстырғаны байқалған. Бұл туралы кеше баспасөз мәслихатында Қырғызстанның ауыл, су шаруашылығы және өңдеу өнеркәсібі министрі Арстанбек Ногоев хабарлады.
Оның айтуынша, Қазақстанның Жамбыл облысының шекаралас аудандарынан Талас облысына шегірткелердің көшуі орын алған.
"Алдын ала мәліметтер бойынша, өңдеу 1 мың гектар жерге жүргізіледі. Шу облысында шегірткенің дернәсілін анықтау үшін 4 040 гектар жерге зерттеу жүргізілді. Кейбір аудандарда 2 060 гектар жерге дейін шегіртке құрты толып алған", - деп толықтырды министр.
Өңдеу қажет етілетін республика бойынша барлығы 79 656 гектар жердің шегірткеге қарсы өңделіп қойғаны 58 350 гектар жер. Атап айтқанда, Жалалабад облысында 46 026 гектар, Баткен облысында 7 65гектар, Ош облысында - 4 666 гектар жер өңделген.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.