Жамбыл облысындағы жеті шенеунік бизнеске кедергі келтіргені үшін жауапқа тартылған
Өӊірлік кәсіпкерлер палатасыныӊ директоры Мәріпбек Шәкербек өзініӊ сөзінде Палатаға бизнесмендер шағымданғаннан кейін жыл басынан бері алты шенеунік - тәртіптік жауапкершілікке, бір шенеунік - әкімшілік жауапкершілікке тартылғанын хабарлады. Былтыр Жамбыл облысы кәсіпкерлер палатасына 162 өтінім түскен, оныӊ ішінде 59 өтінім оӊ шешілді
Тараз. 9 сәуір. Kazakhstan Today - "Атамекен" ҚР ҰКП Төралқа Төрағасы Тимур Құлыбаев Кәсіпкерлер палатасы Өӊірлік кеӊесініӊ отырысына қатысты. Іс-шараға Жамбыл облысыныӊ әкімі Асқар Мырзахметов, мемлекеттік органдар мен өӊір бизнесініӊ өкілдері қатысты.
Ұлттық кәсіпкерлер палатасыныӊ бизнесті қорғау бағытындағы жұмысыныӊ нәтижесі туралы айтқан Тимур Құлыбаев "Атамекен" Ұлттық кәсіпкерлер палатасы Бас прокуратура, Мемлекеттік қызмет істері және сыбайлас жемқорлыққа қарсы іс-қимыл агенттігі, сондай-ақ Жоғарғы сотпен байланыс орнатқанын атап өтті.
"Кәсіпкерлердіӊ ісі сотта қаралғанда көп жағдайда іс мемлекеттік органдардыӊ пайдасына шешіледі. Былтыр бұл тәжірибені бірлесіп зерттеу және жою үшін Жоғары сотпен Жол картасына қол қойдық. Жалпы айтатын болсақ, "Атамекен" жұмыс істегелі бері Ұлттық палатаға 22 мыӊнан аса өтінім келіп түсті, оныӊ 40%-ға жуығын оӊ шешілді. Осылайша, 92 млрд теӊгеден астам сомада кәсіпкерлердіӊ мүліктік құқығы қорғалды", - деп хабарлады Тимур Құлыбаев.
Бизнесті қорғауға өӊірлік деӊгейде де басымдық берілген.
Өӊірлік кәсіпкерлер палатасыныӊ директоры Мәріпбек Шәкербек өзініӊ сөзінде Палатаға бизнесмендер шағымданғаннан кейін жыл басынан бері алты шенеунік - тәртіптік жауапкершілікке, бір шенеунік - әкімшілік жауапкершілікке тартылғанын хабарлады. Былтыр Жамбыл облысы кәсіпкерлер палатасына 162 өтінім түскен, оныӊ ішінде 59 өтінім оӊ шешілді. Кәсіпкерлердіӊ 2,5 млрд теӊгеге мүліктік құқығы қорғалған.
Сонымен қатар шағын және орта кәсіпкерліктіӊ өӊір экономикасына салған айтарлықтай үлесі де атап өтілді. Былтыр бизнестен жалпы сомасы 28,5 млрд теӊге салық түкен, яғни облыс бюджетініӊ 35%-ын құраған.
Кәсіпкерлер палатасы әкімдікпен бірлесіп, сауда орындарыныӊ сыртқы сипатына бірыӊғай стандарт пен талап қоя отырып, бизнеске саудасы үшін бос орындарды беру бағдарламасын дайындауда. Сонымен қатар өӊірде коммуникациясы жүргізілген орындарды жалға беретін шағын индустриялық аймақ құру мәселесі де талқылану үстінде.
Жамбыл облысында Ұлттық палатасыныӊ бастамасымен қолға алынған "Бастау" бизнесі сәтті жүзеге асырылып отыр. 2017 жылы өӊірде 1125 азамат кәсіпкерлік негіздері бойынша білім алды. Биыл бұл көрсеткішті екі есеге ұлғайту көзделген. Сонымен қатар Жамбыл облысыныӊ еӊ аз дегенде 500 азаматы жеке кәсібін ашады деп күтілуде.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.