Жамбыл облысында өңірдегі кәсіпорындар мен ұйымдарда орын алған жалақы қарыздары бойынша жиын өтті
Жалпы, бұған дейін өңірдегі кәсіпорындардың берешегі 501 миллион теңге болса, оның 325 миллион теңгесі бір айда атқарылған жұмыстардың нәтижесінде қайтарылып, жабылған.
Тараз. 23 мамыр. Kazakhstan Today - Жамбыл облысының әкімі Асқар Мырзахметовтың төрағалығымен өңірдегі кәсіпорындар мен ұйымдарда орын алған жалақы қарыздары бойынша жиын өтті. Онда бұл бағытта атқарылып жатқан жұмыстар туралы облыс әкімдігінің еңбек инспекциясы басқармасының басшысы Балабек Нарбаев баяндады.
Жалпы, бұған дейін өңірдегі кәсіпорындардың берешегі 501 миллион теңге болса, оның 325 миллион теңгесі бір айда атқарылған жұмыстардың нәтижесінде қайтарылып, жабылған. Ал, қазіргі таңдаөңіріміздегі 7 кәсіпорын бойынша жалақы қарыздары 176,1 миллион теңгені құрап отыр. Онда жалақыларына қолы жете алмай жүрген жүрген жұмысшылардың саны - 577.Жұмыскерлеріне берешек кәсіпорындардың қатарында "Энерджи-Тараз" ЖШС, "Меркі асыл тұқымды қой зауыты" АҚ, "Жаңатас-Су-Жылу" КМК, Хантауцемент зауыты, "Хантау Mining" ЖШС, "ПроектСтройГаз" ЖШС, "ТаразХимМонтаж" ЖШС -тері бар.Басқарма басшысы бұл орайдағы талдау жұмыстары үш бағытта жүргізілгенін жеткізді.
Айталық, ағымдағы жалақы бойынша берешек 39,5, мерзімі өткен жалақы бойынша қарыз 52,6, банкрот және оңалту үрдісіндегі жалақы бойынша берешек 84 миллион теңгеге жеткен.
Айта кету керек, бұған дейін анықталған жалақы қарыздарын қайтару бойынша облыстық еңбек инспекциясы басқармасымен бірқатар жұмыстар атқарылған. Нәтижесінде, жыл басынан бері 16 кәсіпорын бойынша 4008 жұмыскердің жалпы 563,8 миллион теңге берешегі өндірілген.
Асқар Исабекұлы бұл берешектерді өндіру бойынша жүйелі жұмыс керектігін ескертіп, барлық жалақылық қарыздарды 5-маусымға дейін қайтару бойынша нақты тапсырмалар жүктеді. Өңір басшысы алдағы уақытта да мұндай олқылықтардың орын алмауы, басшылық тараптар мен жұмысшылар арасында осы тұрғыдағы шиеленістердің болмауы үшін қажетті шараларды үздіксіз жүргізіп отырудың маңыздылығын баса айтты.
Бұл мәселе облыс әкімінің орынбасары Нұржан Календеровтың төрағалығымен өткен әлеуметтік әріптестік және еңбек қатынастарын реттеу жөніндегі облыстық үшжақты комиссия отырысында да жан-жақты сараланды.
Аталмыш комиссия отырысына қатысқан жалақы берешегі бар кәсіпорындардың тиісті өкілдері орын алып отырған келеңсіздіктің себеп-салдарын түсіндіруге тырысты. Әйтсе де, жұмыс берушінің міндеті - қызметкерлерінің жалақыларын уақытылы төлеу.
Басқосу барысында Нұржан Календеров осыны баса айтып, берешекті қалайда уақыт созбай қайтару керектігін тілге тиек етті.
Басқосу барысында бизнестік әлеуметтік жауапкершілігін арттыру, бейресми жұмыспен қамтылған тұлғалардың еңбек қатынастарын заңдастыру бағытында атқарылып жатқанжұмыстар мен алдағы мақсаттар қаралды. Сондай-ақ, облыс әкімдігі, "Жамбыл облысының Кәсіподақтар орталығы" аумақтық кәсіподақтар бірлестігі және облыстық кәсіпкерлер палатасы арасындағы 2018-2020 жылдарға арналған келісіміне толықтырулар енгізілді. Өндірістік процесті, еңбек құқығын қамтамасыз ету және қызметкерді жұмысқа орналастыруды тұрақтандыру мәселелері туралы әкімдік, жұмыс беруші және кәсіподақтар арасындағы меморандумның жоспары бекітілді.
Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.