17.07.2014, 21:09 3355

"Жасыл дәліз" ашылған сәттен бастап Қазақстанға 30,3 млн долларға көкөніс және жеміс-жидек әкелінді

"Жасыл дәліз" жобасы іске қосылған сәттен бастап Қазақстанға жалпы салмағы 25,6 мың тонна, 30,3 млн. АҚШ доллар сомасында көкөніс және жеміс-жидек әкелінді, - деп ҚР Қаржы министрлігі Кедендік бақылау комитетінен хабарлады.

Алматы. 17 шілде. Kazakhstan today. "Жасыл дәліз" жобасы іске қосылған сәттен бастап Қазақстанға жалпы салмағы 25,6 мың тонна, 30,3 млн. АҚШ доллар сомасында көкөніс және жеміс-жидек әкелінді, - деп ҚР Қаржы министрлігі Кедендік бақылау комитетінен хабарлады.

Естеріңізге сала кетейік, 2013 жылдың 23 желтоқсанында қазақстан-қытай шекарасындағы "Бақты" (Қазақстан Республикасы Шығыс Қазақстан облысы) және "Покиту" (Қытай Халық Республикасы СҰАА) өткізу пункттерінде "Жасыл дәліз" жобасы іске қосылды.

Жобаның мақсаты - Қытай Халық Республикасынан Қазақстанға келетін жеміс-жидек өнімдерінің тез өтуін және кедендік ресімделуін қамтамасыз ету.

Сонымен, ҚХР-дан "Бақты" өткізу пункті арқылы өткізілетін өнімдердің негізгі көлемін 49,4 % қызанақ, 22,5% картоп, 1,1% алма, 7,5% бұрыш, 5,1%, баклажан, 1,1% жуа және 12,2 % шәрбат құрады.

Кеден органдары өткізу пункттерінде кедендік ресімдеу уақытын қысқарту бойынша барлық қажетті шаралар қабылдауда. "Бақты" кеден бекетінде жағдай жасау үшін қайта құру жүргізіліп, өнімді өткізу үшін кедендік бақылаудың автоматтандырылған жаңа жүйелерімен (ТЖБАЖ, ИТҚ) жабдықталып, бұдан басқа бөлек жолақ бөлінді, ауыл шаруашылық өнімінің тоқтаусыз өтуін қамтамасыз етуіне жауапты, құзыретті ведомстволардың қызметкерлері анықталды, бұл шекарада кезекті болдырмауға және сыртқы экономикалық қызметке қатысушыларға қолайлы жағдай жасауға ықпал етеді.

Сондай-ақ өткізу пунктінде кедендік жүргізілетін тексеру саны "Жасыл дәліз" жобасына дейін 778 және жүзеге асырылғаннан кейін 29 тексеріп қарауға қысқарған.

"Бақты" өткізу пунктінде "Жасыл дәліз" жобасын енгізгенге дейін көлік құралдары өткізу пунктін орта есеппен 240 минутта өтетін. Қазіргі уақытта "Бақты" өткізу пунктінде кедендік тазартудың және көлік құралдарын өткізудің орташа уақыты 69 минутты құрайды.

Сонымен бірге, Қазақстан Республикасы Кеден органы жеміс-жидек өнімдерінің бақылаусыз өткізу ниеті жоқ. Бұған заңнамада қарастырылған кедендік ресімдеу және бақылау рәсімдері қолданылады.

МӘТІННЕН ҚАТЕ ТАПТЫҢЫЗ БА?

Оны тінтуірмен таңдап, Ctrl + Enter пернелерін басыңыз.

тақырып бойынша жаңалықтар

Ең көп оқылғаны