"Жібек жолы" жаӊа кемесі Қазақстанныӊ құрғақ жүк флотын толықтырды
Астана. 12 шілде. Kazakhstan Today - 12-шілдеде 7 мыӊ тонна жүк көтеретін "Жібек жолы" құрғақ жүк кемесі ресейлік Шлиссельбург портынан суға түсірілді, деп хабарлайды Kazakhstan Today агенттігініӊ тілшісі.
Кемені суға түсіру салтанатына "ҚТЖ" ҰК" АҚ президенті Асқар Мамин, РФ көлік министрініӊ орынбасары Виктор Олерский, Ленинград облысыныӊ губернаторы Александр Дрозденко қатысты.
Салтанатты шараға қатысушылар алдында "ҚТЖ" ҰК" АҚ президенті Асқар Мамин сөз сөйледі.
Ол аталмыш шараныӊ Мемлекет басшысыныӊ тапсырмасымен атқарылып отырған - "Нұрлы жол" бағдарламасындағы жобаларды жүзеге асыру, ҚР құрғақ жүк флотын дамыту, Қазақстанныӊ транзиттік көліктік әлеуетін жетілдіруден туындаған маӊызды мақсат екендігін атап өтті.
"Жаӊа кеменіӊ атын Қазақстан Президенті Нұрсұлтан Назарбаевтыӊ "Жібек жолы" деп атауы да тегін емес. Өйткені, Қазақстан мен "ҚТЖ" ҰК" АҚ даму стратегиясына орай, Каспий инфрақұрылымын жетілдіру мен теӊіз флотын құру арқылы мультимодальдық тасымалдауды жиілетуге баса назар аударылып отыр",-деп атап өтті А. Мамин.
2013 жылы құрылған "KTZ Express Shipping" кеме компаниясы сыйымдылығы 5 мыӊ тонналық екі құрғақ жүк кемелерін сатып алғанды. Олар арқылы астық, металл өнімдері және басқа да құрғақ жүктер тасымалданады. Сондай- ақ, "өз-жүгіміз, өз -портымыз, өз флотымыз" тәртібін меӊгерген.
Биылғы жылы флот екі "Жібек Жолы" және "Атамекен" жүк кемесімен толығады.
Биылғы жылы маусымда Загребеде "Қазақстан темір жолы" ҰК" АҚ президенті А. Мамин мен "Ульяник" кеме жасау компаниясыныӊ Бас директоры Д. Росанда екі жаӊа паром жасау келісім шартына қол қойды.
2020 жылдарға қарай құрғақ жүк тасымалдау флотын жиырмаға жеткізіп, Каспий айдынына Ақтау порты арқылы шығатын құрғақ жүктіӊ 55 пайызын қамту көзделіп отыр.
"Каспий Шығыс-Батыс, Солтүстік-Оӊтүстік халықаралық көлік дәліздерін байланыстырушы ғана емес, аймақтағы елдердіӊ транзиттік әлеуетін күшейтуге ықпал етуші маӊызды рол атқарады",-деп атап өтті А. Мамин.
РФ көлік министрініӊ орынбасары Виктор Олерский аталмыш оқиғаны "Қазақстан мен Ресей арасындағы тарихи тұрғыдағы табыс интеграциялық үдеріс" деп атады. Ол бұдан әрі қарай да қазақстандық және ресейлік компаниялар арасындағы түрлі саладағы байланыстардыӊ тереӊдей түсетіндігіне сенім білдірді.
Каспий аймағындағы өзара серіктестік әлеуетін транзиттік тасымалдауда шоғырландыру -барлық қатысушыларға жаӊа мүмкіндіктер әперіп, табыс көзіне айналады.
Биылғы жылы Нева кеме жасау және жөндеу кәсіпорнымен әрқайсысы 7000 тонналық екі көпсалалы құрғақ жүк кемесін жасау жөнінде келісімге қол қойылды. Жоба Еуропа қайта құру және даму банкісініӊ қолдауымен жүзеге асырылып отыр.
Жаӊа "Жібек жолы" құрғақ жүк кемесініӊ суға түсірілуіне байланысты, оныӊ бортына шампан сындыру дәстүрін Маххабат Бекбосынова атқарды. М. Бекбосынова медицина ғылымдарыныӊ докторы, кардиолог. Қазіргі кезде ол Астанадағы "Ұлттық ғылыми кардиологиялық орталығы" АҚ басқарма төрағасыныӊ бірінші орынбасары болып қызмет атқарады.
"ҚТЖ" ҰК" АҚ баспасөз қызметі
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.