Жылжымайтын мүлік салығын тек оның құны 50 - 70 млн теңгеден кем болмағанда ғана ұлғайту қажет - сарапшы
Алматы. 5 тамыз. "Қазақстан Бүгін" - Жылжымайтын мүлік салығын тек оның нарықтық құны 50 - 70 млн теңгеден кем болмағанда ғана ұлғайту қажет. Бұл туралы "Қазақстан Бүгін" агенттігінің тілшісіне берген сұхбатында Қазақстан бағалаушылар қауымдастығының кеңесінің төрағасының орынбасары Александр Калинин мәлімдеді.
Үкіметтің құны 30 млн теңгеден асатын жылжымайтын мүліктің салықтық мөлшерлемесін ұлғайту жөніндегі ұсынысын талқылай отырып, А. Калинин бұл орта деңгейдің қалтасына ауыр тиеді, деп мәлімдеді. "Мен бұл аралықты 50 немесе 70 млн теңгеге дейін ұлғайту керек деп есептеймін", - деді ол.
Сонымен қатар, бағалаушы үкіметтің мүлік салығы мен жер салығын жылжымайтын мүлік салығына бірлестіру туралы ұсынысын қолдайтынын білдірді. "Біз жер салығын екі мәрте төлейміз. Бірінші рет - жер үшін төлеген кезде, екінші рет - жерде тұрған жылжымайтын мүлік үшін төлеген кезде", - деді А. Калинин. Бұл ретте ол әлемдік тәжірибеде жылжымайтын мүлік ретінде жер және оның үстінде тұрған құрылыс танылатынынан хабардар етті. Оған салық та бір-ақ рет төленеді.
"Бұндағы мәселе Қазақстанда кадастрлардың әртүрлі болуы. Жер кадастрын Жер ресурстарын басқару агенттігі, ал жылжымайтын мүлік кадастрын Иділет министрлігі жүргізеді. Міне, ақыр соңында үкімет осындай шешімге келіп отыр. бұл кадастрларды біріктіру қажет", - деп атап көрсетті бағалаушы. Оның пайымдауынша, кадастрларды біріктіріп, Қаржы министрлігіне тапсыру керек.
Сонымен қатар, А. Калининнің айтуынша, әлемдік тәжірибеде салық салу кезінде жылжымайтын мүлік нарықтық құнымен есептелсе, ол Қазақстанда салық салу үшін нормативтік есептік құны бойынша бағаланады.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.