Зиянды өндіріс орындары Алматы қаласынан тысқары шығарылады
Алматы. 22 сәуір. KazakhstanToday - Зиянды өндіріс орындары Алматы қаласынан тысқары шығарылады, деп хабарлайды Kazakhstan Today.
"Инновациялық экожүйе және қаладағы орта" тақырыбында өткен дөӊгелек үстел барысында хабарланғандай, Алматы қаласын дамыту жөніндегі бас жоспарға сәйес қала орталығындағы өз аумақтарын тиімді пайдаланбайтын, экологиялық ортаға зиян келтіретін және техногендік апат қатерін тудыратын кәсіпорындар қала аумағынан тысқары жерлерге шығарылады, деп хабарлайды "Алматы қаласын дамыту орталығы" АҚ-ныӊ сайты.
Дәл қандай зауыттардыӊ мекен алмастыратынын туралы ақпарат әзірге белгісіз. Кезектіӊ алдында қазір құлдырауға ұшырап қаӊырап жатқан кеӊестік кезеӊдегі алып кәсіпорындар тұр. Босаған аумақтарды билік әлеуметтік салаға - тұрғын үйлер, ауруханадар, мектептер мен балабақшалар салуға беретін болады. Мәселен, балабақшалар бойынша Алматыда ахуалдыӊ нашар екені баршаға мәлім, қала бойынша мектепке дейінгі білім орындарымен қамту деӊгейі небәрі 70 пайызды құрайды.
Бизнеске балама ретінде Индустриялық аймақ пен "Алатау" АТП ЕЭА аумағы ұсынылуда. Бюджеттіӊ есебінен жеткізілген инфрақұрылымы бар және салықтық жеӊілдіктер жасалатын бұл алаӊдар кәсіпкерлікпен шұғылдануға барынша ыӊғайлы деп танылуда.
Бұған қоса таяу жылдарда Алматыда жер салығыныӊ мөлшерлемесі қайтадан қараладыдеп күтілуде. Бұл да бизнес үшін өз өндіріс орындарыныӊ орнын алмастыруға итермелейтін тағы бір себеп болмақшы.
"Илеуметтік бағдары бар саламен салыстырғанда өндіріске арналған аумақтар мен коммерциялық сипаттағы аумақтардыӊ құны бірнеше есе жоғары болмақ. Мұныӊ сыртында бұған дейін "Алматы қала құрылысы кеӊесі" атты консультативтік-кеӊес органы болғаны мәлім. Қала үшін концепциялық тұрғыдан қызғылықты ұсыныс бар болған жағдайда инвестор әлгі қалалық кеӊесте оныӊ маӊызын түсіндіріп, кеӊесті иландыра алса, кеӊес жобаныӊ жобалық-сметалық құжаттамасын өзгерте алатын. Ал өткен айда DoingBusiness шеӊберіндегі заӊнамалық өзгерістер аясында қала құрылысы кеӊесі таратылды. Демек, ендігі жерде шешім қабылдаудыӊ мұндай құралы жоқ. Тиісінше, жобаныӊ жобалық-сметалық құжаттамасын өзгерту үшін қоғамдық тыӊдаудан өту керек болады. Сондықтан бизнес үшін қазір Бас жоспарла деген не және оныӊ салдары жайлы біліп түсіну аса маӊызды", - деді "Алматы қаласын дамыту орталығы" АҚ-ныӊ басқарма төрайымы Жанна Төлегенова.
Іскерлік орта өкілдеріне сондай-ақ мегаполисте алдағы уақытта құрылыс салуға негіз болатын жаӊа мастар-жоспар жасалып жатқаны жайлы хабарланды.
"Концепт-жоспар дизайны тамызда дайын болады, оны біз күзде жұртшылықтыӊ талқысына шығарамыз", - деді Жанна Төлегенова.
Алматы әкімініӊ орынбасары Алмас Мәдиевтіӊ төрағалығымен өткен дөӊгелек үстел жиынына Ақпаратттық технологиялар паркі, Индустриялық аймақ өкілдері, Іскерлік және қоғамдық кеӊестіӊ мүшелері, кәсіпкерлер, ЖОО өкілдері, Бағдарламалық жасақтамалар мен қосымшаларды жасаушылар қатысты.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.