Ақтөбе облысында байланыс мұнарасы дүкенге құлап, үш адам зардап шекті
Ақтөбе облысының Қарауылкелді ауылында қатты екпінді жел салдарынан металл байланыс мұнарасы бір қабатты дүкен ғимаратының үстіне құлады, деп хабарлады облыс әкімдігі.
Оқиға салдарынан үш адам зардап шегіп, олардың барлығына аудандық ауруханада қажетті медициналық көмек көрсетілді.
Ақтөбе облысы Төтенше жағдайлар департаментінің құтқарушылары жедел түрде апаттық-құтқару жұмыстарын жүргізді.
Қолайсыз ауа райының салдарынан өңірдегі бірнеше нысан да зақымданды. Ақтөбе облысының әкімі Асхат Шахаровтың тапсырмасымен облыс әкімінің орынбасары Ғалымжан Елеуовтің жетекшілігімен төтенше жағдайлар жөніндегі комиссия құрылды. Қазіргі уақытта келтірілген залал көлемі бағалануда.
Қазіргі уақытта мамандар келтірілген залалды бағалап жатыр. Апаттық бригадалар аудан орталығындағы электр энергиясы мен ұялы байланыс желілерін қалпына келтіру жұмыстарын жүргізуде», – деп хабарлады облыс әкімдігі.
Өңір әкімі Асхат Шахаровтың тапсырмасымен оның орынбасары Ғалымжан Елеуов Байғанин ауданына барды. Ол зақымданған дүкенді қарап, электр беру желілеріндегі қалпына келтіру жұмыстарының барысымен танысты. Апаттық бригадалар тәулік бойы жұмысын жалғастырып жатыр.
Одан кейін төтенше жағдайлар жөніндегі комиссияның отырысы өтті. Онда қалыптасқан жағдай, зардап шеккен нысандардың тізімін жасау, келтірілген залалды бағалау, тұрғындардың қауіпсіздігін қамтамасыз ету және жауапты қызметтердің іс-қимылын үйлестіру мәселелері талқыланды. Қазіргі уақытта барлық қызмет күшейтілген жұмыс режиміне көшірілді.
«Жағдай облыс әкімінің жеке бақылауында. Оның тапсырмасымен арнайы комиссия құрылып, біз ауылға жедел келдік. Ең бастысы – адамдар аман. Зардап шеккен барлық тұрғынға қолданыстағы заңнамаға сәйкес қажетті көмек көрсетіледі. Ешкім қолдаусыз қалмайды», – деп мәлімдеді облыс әкімдігі.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Алматы мен Алматы облысының тұрғындары жарықсыз қалды
Қазақстанның ұлттық электр желісі операторы KEGOC-тың электр беру желілерінің апаттық ажыратылуына байланысты Алматы қаласы мен Алматы облысының бірнеше ауданында жарық өшті, деп хабарлайды агенттік тілшісі.
«KEGOC» АҚ-ға тиесілі кернеуі 500 кВ Л-5400, Л-5300 және Л-5320 әуе электр беру желілерінің апаттық ажыратылуы салдарынан «Алатау Жарық Компаниясы» АҚ желілерінде апатқа қарсы автоматика іске қосылды», — деп түсіндірді АЖК.
Мекемінің мәлімдеуінше, ажыратылған жүктеме көлемі 300 МВт-ты құрады.
Алматы облысының он ауданында — Жамбыл, Балқаш, Есік, Қарасай, Шелек, Райымбек, Ұйғыр, Іле, Кеген және Талғар аудандарында электр жарығы өшті.
Алматыда электр қуатының өшуі Бостандық, Наурызбай, Әуезов және Алатау аудандарын қамтыды.
Сондай-ақ, Kazakhstan Today оқырмандары Алматының Түрксіб және Медеу аудандарында да электр қуаты өшкенін хабарлады.
Агенттік журналистері түсініктеме алу үшін KEGOC компаниясына сұрау салды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматыда жоғары дәрежелі шақыру бойынша өрт сөндіріліп жатыр
Алматыда өрт сөндірушілер шақырудың жоғары дәрежесі бойынша өртті сөндіріп жатыр, деп хабарлайды қалалық Төтенше жағдайлар департаменті.
Алдын ала мәлімет бойынша, өрт қаланың Жетісу ауданындағы Тобаяқов көшесінде орналасқан қоймада шыққан.
Оқиға орнында жедел штаб құрылды. Өртті оқшаулау және жалынның таралуына жол бермеу үшін бірнеше өрт сөндіру учаскесі ұйымдастырылды.
Өрттің аумағы мен зардап шеккендер туралы ақпарат әзірге хабарланған жоқ.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматыда жер сілкінді
12 тамыз күні Алматыда жерасты дүмпулері тіркелді, деп хабарлайды ҚР Төтенше жағдайлар министрлігі.
Қала тұрғындары да әлеуметтік желілерде жер сілкінісін сезгендерін жазуда.
Кейінірек ТЖМ Астана уақыты бойынша сағат 12:14-те күші 2 балдық жерасты дүмпулері тіркелгенін нақтылады.
Зардап шеккендер мен қираулар туралы мәлімет түскен жоқ.
Еуропа-Жерорта теңізі сейсмологиялық орталығының мәліметінше, магнитудасы 5,1 болатын жер сілкінісінің эпицентрі Қырғызстан аумағында орналасқан.
Естеріңізге сала кетсек, 10 тамызда Колумбияда магнитудасы 7,4 болатын күшті жер сілкінісі болып, 130-дан астам адам қаза тапқан болатын.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстанның екі өңірінде аптап ыстық салдарынан орман өрті шықты
Сурет: gov.kz
Аптап ыстық салдарынан Солтүстік Қазақстан және Алматы облыстарында үш орман өрті тіркелді, деп хабарлайды ҚР Экология және табиғи ресурстар министрлігінің баспасөз қызметінен.
"Қабылданған жедел шаралардың нәтижесінде барлық өрт қысқа мерзімде толық сөндірілді", - делінген хабарламада.
Министрліктің мәліметінше, өртті сөндіруге РМҚК "Қазавиаорманқорғау" кәсіпорнының әуе өрт сөндіру десантшылары, сондай-ақ мемлекеттік орман күзетінің күштері мен құралдары жұмылдырылды.
"Елімізде аптап ыстық пен найзағайлы фронттардың сақталуына байланысты өрт қаупі жоғары деңгейде қалып отыр. Осыған байланысты мемлекеттік орман күзеті мен РМҚК "Қазавиаорманқорғау" күштері күшейтілген режимде жұмыс істеуде. Әуе және жерүсті патрульдеу жұмыстары үздіксіз жүргізілуде",- деп мәлім етті мекемеден.
Бұған дейін "Семей орманы" аумағында екі орман өрті шыққан болатын.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
СІМ Сербияда Қазақстан азаматының қаза тапқанын растады
Қазақстан Республикасы Сыртқы істер министрлігі Сербияда Қазақстан азаматының қаза тапқанын растады, деп хабарлайды агенттік тілшісі.
"Қазақстанның Сербиядағы Елшілігі жергілікті құзыретті органдармен бірлесе отырып оқиғаның барлық мән-жайын анықтап жатыр. Сондай-ақ, қазақстандық дипломаттар марқұмның туыстарымен тұрақты байланыста болып, оларға жан-жақты консулдық-құқықтық қолдау көрсетуде. Бұл мәселе министрліктің бақылауында", - деп мәлім етті баспасөз қызметінен.
Бұған дейін Белградта Қазақстан азаматының қаза тапқаны туралы ақпарат әлеуметтік желілерде тараған болатын. Марқұмның туыстары қайғылы оқиғаның мән-жайын жан-жақты тергеуді талап етіп, болған жағдайдың барлық егжей-тегжейін анықтауға көмектесуді сұрап, жұртшылыққа үндеу жасаған.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.