Алматыда BMW көлігінің жүргізушісі жол поициясының инспекторын соғып кетті
Қайғылы оқиға 5 желтоқсан күні 22 сағат 45 минутта Жұмабаев көшесінің солтүстік айналма жолында орын алды. Жол полициясы Басқармасының арнайы батальонының инспекторы, полиция аға лейтенанты Нұрлан Таңатаров түнгі экипаж құрамында аталмыш аумақта жол қауіпсіздігін қамтамасыз етіп жүрген.
Алматы. 6-желтоқсан. Kazakhstan Today - Алматыда BMW көлігінің жүргізушісі жол поициясының инспекторын соғып кетті, деп хабарлайды Kazakhstan Today агенттігінің тілшісі.
ҚазАқпарат агенттігінің хабарлауынша, Алматыда қызметтік міндетін атқару барысында жол сақшысы қаза тапты.
Қайғылы оқиға 5 желтоқсан күні 22 сағат 45 минутта Жұмабаев көшесінің солтүстік айналма жолында орын алды. Жол полициясы Басқармасының арнайы батальонының инспекторы, полиция аға лейтенанты Нұрлан Таңатаров түнгі экипаж құрамында аталмыш аумақта жол қауіпсіздігін қамтамасыз етіп жүрген.
"Солтүстік айналма жолы қаладағы көлік көп жүретін көшелердің біріне жатады. Осыған байланысты Жол полициясы Басқармасының патрульдік нарядтары бұл аумақты үнемі назарда ұстайды. Қызметтік міндетін автопатрульдеу әдісі бойынша атқарып жүрген жол сақшылары қайғылы оқиғадан бірер минут бұрын жол жүру ережесін бұзған "Тойота" автокөлігін тоқтатқан. Қызмет бабындағы аға лейтенант жол жиегіне тоқтаған "Тойота" автокөлігінің құжаттарын тексеруге бет алған кезде қарсы бағыттың сол жақ қапталымен үлкен жылдамдықпен келе жатқан "БМВ" автокөлігі жол сақшысын қағып кетеді. Көлік жылдамдығын бәсеңдетпестен аталмыш темір тұлпар оқиға орнынан із жасырды",- деп мәлімдеді Алматы қаласы ІІД Жол полициясы Басқармасының үгіт-насихат және БАҚ-пен жұмыс істеу бөлімшесінің бастығы, полиция майоры Еркін Өтегенов.
"Жол сақшысы оқиға орнында қаза тапты. Оның жансыз денесі қақтығыс орын алған жерде 59 метр жерден табылды. Бұл дегеніміз көлік құралының аса үлкен жылдамдықпен келе жатқандығын көрсетеді. Ал бұл аралықта қаза тапқан Таңатаровтың әріптесі радиобайланыс арқылы оқиға орнынан із жасырған "БМВ" автокөлігі туралы ақпарат береді. Нәтижесінде оқиға орнынан алысқа ұзап кете қоймаған "БМВ" автокөлігін ЖПБ қызметкерлері құрықтады. Қазір тегеурінді темір тұлпар тізгінін ұстаған еш жерде жұмыс істемейтін "Қарасу" ықшамауданының 23 жасар тұрғыны өз кінәсін толығымен мойындады. Өз түсініктемесінде ол сағатына 120 шақырым жылдамдықпен келе жатқанын айтты. Оқиға орнын тексеру барысында көлік құралының тежелу іздерінің мүлдем болмағандығы анықталды",-деді Еркін Өтегенов.
Оның айтуынша, қазіргі таңда адам өлімімен аяқталған жол-көлік оқиғасына байланысты қылмыстық іс қозғалып, тергеу амалдары жалғасуда.
Полиция аға лейтенанты Таңатаров Нұрлан Бейбітбайұлы 1984 жылы дүниеге келген. Ішкі істер органдарында 2008 жылдың шілде айынан бері қызмет атқарып келген. Қызмет барысында 3 рет марапатталған. Үйленген, бір баланың әкесі еді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Су тасқыны салдарынан эвакуацияланғандар саны 118 мыңнан асты
Сурет: ТЖМ
Жүргізілген су тасқынына қарсы іс-шаралардың арқасында 19 715 адам өз үйлеріне оралды. Жедел шаралармен ТЖ аймақтарынан тұрғындар мен жануарларды эвакуациялау алдын ала жүргізілді. Су тасқыны басталғалы бері барлығы 118 180 адам, оның ішінде 44 254 бала құтқарылып, эвакуацияланды. 113 852 ауыл шаруашылық жануары қауіпсіз жерге айдалды, деп хабарлайды ҚР ТЖМ баспасөз қызметінен.
8 821 адам, оның ішінде 3 885 бала эвакуациялау пункттерінде. 4 370 тұрғын үй мен 2 737 аула аумағынан судың бағыты бұрылды. 10,5 млн астам текше метр еріген қар суы сорып шығарылды, 3,4 млн қапшық және 1,4 млн астам тонна инертті материал төселді.
Ақтөбе, Қостанай, Ақмола, Атырау, Солтүстік Қазақстан облыстарында 5 989 жеке тұрғын үй, 1 091 аула аумағы су астында қалуда.
ТЖМ Апаттар медицинасы орталығының психологтары су тасқыны қаупі бар өңірлердің тұрғындарына шұғыл психологиялық және ақпараттық көмек көрсету мақсатында тәулік бойы кезекшілікті атқаруда. Жедел желі телефонына 1 971 қоңырау түсті.
Зардап шеккен өңірлерге теміржол, автомобиль көліктерімен және әуе кемелерімен 4 529 тонна гуманитарлық көмек жеткізілді.
Су жүрген 60 автожол, су шайған 63 автожол, оның ішінде 10 көпір және 53 жол төсемі бақылауда қалуда. 44 елді мекен көлік қатынасынсыз қалды, оларға қажетті азық-түлік және дәрі-дәрмек қорлары құрылды.
Ақмола облысында қардың қарқынды еруіне және Есіл өзені су деңгейінің көтерілуіне байланысты Есіл ауданының Двуречное ауылында 10 жеке тұрғын үй су астында қалды. 47 адам алдын ала эвакуацияланды, олар туыстарының үйлеріне орналастырылды.
Ақтөбе облысында Ырғыз ауданының Құйлыс ауылынан Ырғыз ауылына әуе кемелерімен алдын ала 25 адам уақытша орналастыру пунктіне эвакуацияланды. Белшер және Мамыр ауылдарына 500 литр жанар-жағармай және 2 тонна гуманитарлық көмек жеткізілді. Құйлыс ауылында Торғай өзенінде жағалауды нығайту жұмыстары жалғасуда.
Солтүстік Қазақстан облысында Петропавл қаласының Подгора шағын ауданында, Кожевенный кентінде 348 жеке тұрғын үйді, сондай-ақ 3031 саяжай құрылысы су астында қалды. Тұрғындар алдын ала эвакуацияланды. Есіл өзенінің су деңгейіне мониторинг жүргізілуде. ТЖД және ЖАО қызметтері Петропавл қаласының және облыс аудандарының эвакуациялық пункттерінде орналасқан тұрғындарға психологиялық көмек көрсетуде.
Авариялық-құтқару және су тасқынына қарсы жұмыстарға азаматтық қорғау қызметтерінен 44 137 адам, 4 642 техника, 858 су сору құралы, 341 жүзу құралы, 12 әуе кемесі жұмылдырылды, сондай-ақ волонтерлер де белсенді қатысуда.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматыда тұрғын үй аумағына көшкін түсті
Сурет: ТЖМ
Алматыда тұрғын үй аумағына көшкін түсті, деп хабарлайды ҚР ТЖМ баспасөз қызметінен.
Алматы қ.Медеу ауданында жаңбыр түрінде жауын-шашынның мөлшернің түсуіне және топырақтың батпақтануына байланысты салынып жатқан 3 қабатты тұрғын үйдің аумағына 50 текше метр көлемінде сырғыма түсіп, қазан шұңқырдың ішінде тоқтады. Сондай-ақ, үйдің оңтүстік жағында көлемі 15-20 текше метр топырақ массасы түсті", деп көрсетілген хабарламада.
Зардап шеккендер мен қираулар жоқ.
ТЖД күштерімен учаскені егжей-тегжейлі тексеру жүргізілуде, қауіп жоқ.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматыда Альпинисттік лагерьдің маңында қар көшкіні түсті
Сурет: ТЖМ
Алматының Медеу ауданында қар көшкіні орын алды, деп хабарлайды ҚР ТЖМ баспасөз қызметінен.
Бүгін Медеу ауданындағы қар ржинағыштарда, Альпинисттік лагерьдің маңында көлемі 4000 текше метр қар көшкіні түсті.
Сонымен қатар, Қазгидромет синоптиктерінен қатты жауын-шашынның түсуіне, үлкен және Кіші Алматы өзендерінің бассейндеріндегі қар жамылғысының тұрақсыз жағдайына байланысты көшкін қаупі сақталатыны туралы дауылды ескерту түсті.
ТЖМ азаматтардан таулы жерлерге баруды шектеуді сұрайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
СҚО 2 мыңнан астам тұрғын үй су астында қалды
Сурет: akorda
Мемлекет басшысы Солтүстік Қазақстан облысына жұмыс сапарымен келді, деп хабарлайды Ақорданың баспасөз қызметінен.
Қасым-Жомарт Тоқаевтың жұмыс сапары Сергеевка су қоймасын, Қызылжар ауданын және Петропавл қаласының төңірегін тікұшақпен аралап көруден басталды.
◾️Облыс әкімі Ғауез Нұрмұхамбетов Мемлекет басшысына Солтүстік Қазақстан облысының Қызылжар, Есіл, Шал ақын аудандары мен Петропавл қаласындағы су тасқыны жағдайын баяндады. Өңір әкімінің айтуынша, алты ауданда төтенше жағдай жарияланған. Қазіргі таңда 2 мыңнан астам тұрғын үйді су басқан, 10345 адам эвакуацияланған.
◾️Су тасқынына қарсы шараларға 5270 адам және 906 техника жұмылдырылған. Халықтың тұрмыс-тіршілігіне қажетті инфрақұрылымдарды қалпына келтіру жұмыстары жүргізіліп жатыр. Табиғи апаттан зардап шеккен азаматтардың материалдық шығындарын есептеу және өтеу жөнінде комиссия құрылған.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.