Система Orphus

Алматыда мұнара краны салынып жатқан көпқабатты үйге құлады

04.04.2022, 18:12 21236
АЛМАТЫ. 4 СӘУІР - Алматыда құрылыс алаңында мұнара краны құлады.
 
Оның видеосы әлеуметтік желіде тарады.
 
Алматы қалалық өнеркәсіптік қауіпсіздік департаментінің мәліметінше, төтенше жағдай Түрксіб ауданында болған.
 
 "Жас қанат" шағынауданында орналасқан "Рембус" ЖШС құрылыс объектісінде салынып жатқан 9 қабатты ғимараттың парапетіне КБ-308 рельсті мұнара краны құлады. Қаза болғандар мен зардап шеккендер жоқ. Кранның меншік иесі - "КБК" ЖК. Шарт бойынша кран "Мелиоратор" ЖШС-не жалға берілді.
 
Департамент таратқан мәліметке сәйкес, былтыр наурыз айында "Жетысу өнеркәсіптік қауіпсіздік" ЖШС кранның мүмкіндігін, оны одан әрі пайдалануды анықтауға сараптама жүргізген.
 

Сөйтіп, кранды пайдалану мерзімі 2023 жылдың наурызына дейін ұзартылды. Биылғы 11 ақпанда "Мелиоратор" ЖШС хатына сәйкес кранды ҚР ТЖМ өнеркәсіптік қауіпсіздік комитетінің Алматы қаласы бойынша департаментінің маманы іске қосты. Қазіргі уақытта департаментте мұнара кранының құлауын тексеру жөніндегі комиссия құрылды. Тергеу нәтижесін қосымша хабарлаймыз", - деп атап өтті ведомствода. 


Қаңтар айының соңында Алматыда мұнара краны құлаған оқиғадан кейін жұмыс тобы құрылды, ол қаланың құрылыс алаңдарындағы барлық құрылыс крандарын тексереді.
 
Ақпарат көзі: inform.kz
 
 Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

тақырып бойынша жаңалықтар

Ең көп оқылғаны