Алматыда жоғары дәрежелі шақыру бойынша өрт сөндіріліп жатыр
Алматыда өрт сөндірушілер шақырудың жоғары дәрежесі бойынша өртті сөндіріп жатыр, деп хабарлайды қалалық Төтенше жағдайлар департаменті.
Алдын ала мәлімет бойынша, өрт қаланың Жетісу ауданындағы Тобаяқов көшесінде орналасқан қоймада шыққан.
Оқиға орнында жедел штаб құрылды. Өртті оқшаулау және жалынның таралуына жол бермеу үшін бірнеше өрт сөндіру учаскесі ұйымдастырылды.
Өрттің аумағы мен зардап шеккендер туралы ақпарат әзірге хабарланған жоқ.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Астана әуежайы маңында тоқ кернеуінің ауытқуынан ұялы байланыста ақаулар орын алды
Астана әуежайы маңында тоқ кернеуінің ауытқуына байланысты ұялы байланыс пен интернет жұмысында ақаулар орын алды, деп хабарлайды әуежайдың баспасөз қызметінен.
"Әуежайдың барлық негізгі жүйесі штаттық режимде жұмыс істеп тұр. Бейнебақылау камералары мен навигациялық құралдар іркіліссіз жұмыс істеп жатыр. Ұшып келетін және ұшып шығатын рейстер кестеге сәйкес орындалуда", - деп мәлім етті әуежай өкілдері.
Естеріңізге сала кетсек, тамыз айында Қазақстанның электр желілерін басқару жөніндегі ұлттық операторы KEGOC электр беру желілерінің апаттық ажыратылуына байланысты Алматы мен Алматы облысының бірнеше ауданындағы тұрғындар жарықсыз қалды. Электр энергиясының өшуі салдарынан Алматыда көлік кептелістері пайда болды.
Кейін Қазақстанның Энергетика министрлігі Алматыда, Алматы облысында және еліміздің басқа да өңірлерінде электр энергиясының жаппай өшу себебін түсіндірді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Щучинскідегі дәмханада болған жарылысқа қатысты айыпталған үш азаматқа қатысты сот үкімі шықты
Сурет: Depositphotos
Бурабай аудандық соты Щучинск қаласындағы "Центр плова Loft" дәмханасында болған жарылысқа қатысты іс бойынша үш адамды бас бостандығынан айыру жазасын тағайындады. Жарылыс салдарынан 12 адам қаза тауып, тағы 11 адам зардап шекті, деп хабарлайды соттың баспасөз қызметінен.
Атап айтқанда, дәмхана басшысы мен ЖШС директоры жеті жылға, ал газ баллондарын жеткізуші алты жылға бас бостандығынан айырылды.
Сондай-ақ, 16 жәбірленушінің моральдық зиянды өтеу туралы азаматтық талаптары ішінара қанағаттандырылды.
"Сот облыс әкіміне жеке қаулы шығарып, онда қылмыстық істі қарау барысында қоғамдық тамақтандыру объектілерінің өрт қауіпсіздігін қамтамасыз ету бойынша профилактикалық жұмысты ұйымдастыруда және ведомствоаралық өзара іс-қимылда анықталған кемшіліктер туралы хабарлады. Қаулыда туындаған зардаптарға ықпал еткен себептер мен жағдайларды жою бойынша шаралар қабылдау қажеттігі көрсетілді", - деп жазылған хабарламада.
Естеріңізге сала кетсек, ағымдағы жылдың 26 ақпанында газ баллонының жарылып, арты өртке ұласқан болатын. Салдарынан 12 адам қаза тауып, тағы 11 адам әртүрлі дене жарақатын алып, ғимарат иесіне аса ірі мөлшерде материалдық залал келтірілген.
Бұған дейін Қазақстанда қоғамдық тамақтану орындары газ баллондарын сақтау талаптарының сақталуына қатысты тексерілетіні хабарланған болатын.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматыда 16 қабатты тұрғын үйден шыққан өрт салдарынан 100-ге жуық адам эвакуацияланды
Сурет: Бейнежазбадан скриншот
Алматыда паркингте шыққан өрт салдарынан 16 қабатты тұрғын үйден 100-ге жуық адам, оның ішінде 19 бала эвакуацияланды, деп хабарлайды ҚР Төтенше жағдайлар министрлігінен.
Өрт Бостандық ауданындағы Абай даңғылында болды. Паркингте күштік кабель өртенген. Өрт аумағы 5 шаршы метрді құрады.
"Хабарлама түскеннен кейін 5 минут ішінде алғашқы өрт сөндіру бөлімшелері оқиға орнына жетті. Құтқарушылар баспалдақ арқылы 100 жуық адамды, оның ішінде 19 баланы қауіпсіз жерге эвакуациялады",- деп жазады ТЖМ.
Өрт жедел сөндірілді. Зардап шеккендер жоқ.
Естеріңізге сала кетсек, тамыз айының соңында Алматыдағы Әди Шәріпов көшесінде орналасқан 13 қабатты тұрғын үй кешенінде болған өрт салдарынан бір әйел қаза тауып, 148 адам құтқарылды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Мысырдағы автобус апатынан қаза тапқандар мен зардап шеккендер арасында қазақстандықтар жоқ - СІМ
Сурет: Aa.com.tr
Мысырдағы жолаушылар автобусының қатысуымен болған жол-көлік оқиғасынан қаза тапқандар мен зардап шеккендер арасында Қазақстан азаматтары жоқ, деп мәлім етті ҚР Сыртқы істер министрлігінің баспасөз қызметінен.
БАҚ хабарламаға сүйенсек, жол апаты 2 қыркүйекте Оңтүстік Синай провинциясындағы Дахаб - Нувейба тасжолында болған. Жолаушылар автобусы Қызыл теңіз жағалауындағы туристер арасында танымал аймақта аударылып қалған.
Бастапқыда 16 адамның қаза тауып, 28 адамның зардап шеккені хабарланған болатын. Кейіннен Мысырдың Денсаулық сақтау министрлігі қаза тапқандар саны 21-ге дейін артқанын мәлімдеді.
Жол апатынан кейін Қазақстан Сыртқы істер министрлігі автобус жолаушыларының арасында қазақстандықтардың бар-жоғына қатысты ақпаратты тексерді.
"Қаза тапқандар мен зардап шеккендер арасында ҚР азаматтары жоқ", - деп хабарлады ведомстводан.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Жамбыл облысында қоқыс контейнерінен тірі нәресте табылды
Сурет: Depositphotos
Жамбыл облысының Қордай ауданында қоқыс контейнерінен тірі нәресте табылды, деп хабарлайды өңірлік полиция департаментінің баспасөз қызметінен.
"Жаңа туған нәрестені қауіп-қатерде қалдыру дерегі бойынша полиция қызметкерлері қылмыстық іс қозғады. Баланың анасын анықтауға және оқиғаның барлық мән-жайын анықтауға бағытталған жедел-іздестіру және тергеу іс-шаралары жүргізіліп жатыр", - деп мәлімдеді полиция.
Бұған дейін әлеуметтік желілерде Қордай ауданындағы Гвардейск гарнизоны аумағындағы қоқыс контейнерінен жаңа туған қыз бала табылғаны туралы ақпарат тараған болатын. "Криминальный Казахстан" Telegram-арнасының мәліметінше, оның денсаулығына қауіп төніп тұрған жоқ.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.