Астанада мұнай және газ компанияларының форумы басталды
Форумның негiзгi мақсаты - мұнай-газ компанияларымен тауарларды, жұмыстар мен қызмет түрлерiн сатып алудың орта мерзiмдi кезеңдегi жоспарларын, бiрiншi кезекте Қазақстанның мұнай-газ саласындағы ең iрi жобаларының бiрi - "Теңiзшевройл" ЖШС-ның Келешек кеңейту жобасын ашу.
Астана. 14-ақпан. Kazakhstan Today - Астанада мұнай және газ компанияларының "Мұнай және газ: қазақстандық қамту - 2013" форумы өз жұмысын бастады, деп хабарлайды Kazakhstan Today агенттігінің тілшісі.
Форумның негiзгi мақсаты - мұнай-газ компанияларымен тауарларды, жұмыстар мен қызмет түрлерiн сатып алудың орта мерзiмдi кезеңдегi жоспарларын, бiрiншi кезекте Қазақстанның мұнай-газ саласындағы ең iрi жобаларының бiрi - "Теңiзшевройл" ЖШС-ның Келешек кеңейту жобасын ашу.
Аталмыш шара шеңберiнде мұнай және газ компанияларының көрмесi өтедi.
Форумға ҚР Мұнай және газ министрлiгiнiң жауапты хатшысы Қ.Сафинов , Индустрия және жаңа технологиялар вице-министрi Н.Сауранбаев, "ҚазМұнайГаз" АҚ басқарма төрағасының орынбасары А.Жақиев, Қазақстанның сервистiк компаниялар одағы президиумының төрағасы Ж.Кәкішев және де салалық министрлiктер, қауымдастықтар, 250-ге жуық қазақстандық өндiрушiлер және де Норвегия, Франция, Ресейдiң сервистiк компаниялары қауымдастықтарының басшылары қатысуда.
"Жергiлiктi қамтуды дамытып, Қазақстанның экономикасын әртараптандыру - әрдайым Мемлекет басшысының назарында. Бұл ретте, кен өндiрушiлер мен пайдаланушылардың орны ерекше екенін айту керек. Мұнай және газ компанияларының инвестициялары Қазақстанның экономикасына өзiндiк үлес қосатыны сөзсiз. Бұл бағытта бiз бiрқатар жетiстiкке қол жеткiзiп үлгердiк, дегенмен алда тұрған күрделi мәселелер әлi де бар және оларды бүгiнгi форум барысында талқылайтын боламыз", - дедi форумды ашқан ҚР Мұнай және газ министрлiгiнiң жауапты хатшысы Қанатбек Сафинов.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Оралды тасқыннан қорғау шараларына еліміздің басқа өңірлерінен тағы 500 әскери қызметші мен құтқарушы жұмылдырылады
21 сәуір күні таңертең Жайық өзеніндегі су деңгейі қауіпті межеден асып, 8,5 метрді құраған. Өзен суы жайылған жерге орналасқан саяжай алаптары су астында қалып, Жайық және Шаған өзендерінің маңындағы шағын аудандарға су жеткен. Орал қаласында су тасқынына қарсы іс-шаралар күшейтілген режимде жүргізілуде, деп хабарлайды ҚР Премьер-министрінің баспасөз қызметінен.
Қорғаныс құрылыстарын нығайту шараларына облыс бойынша 10,6 мыңнан астам адам және қала бойынша 6,4 мың адам, сондай-ақ Қазақстанның басқа өңірлерінен тартылған 2 мыңнан астам техника жұмылдырылды.
Вице-премьер Қанат Бозымбаев шарықтау шегіне жеткен су тасқынымен күресу үшін Маңғыстау, Ақтөбе облыстарынан, Астана мен Алматыдан тағы 500 әскери қызметші мен құтқарушыны БҚО-ға жіберуді тапсырды. Оралға ТЖМ және Қорғаныс министрлігі бойынша 200 адам келіп, жұмысқа кірісіп кетті.
Қанат Бозымбаев Оралдың периметрі бойынша су тасқынына қарсы қорғаныс құрылыстарын тексерді. Су тасқынының шарықтау шегі ұзарады деген болжам бар, осыған байланысты вице-премьер су басу қаупі бар аймақтағы өзендердің бойындағы топырақ бөгеттерін тағы бірнеше метрге көтеруді тапсырды.
БҚО ауылдық елді мекендерінде жағдай тұрақты және бақылауда. Су тасқыны кезеңі басталғалы өңірдегі Жайық және Шаған өзендерінің бойында 136 шақырымнан астам бөгет салынып, оның ішінде Орал қаласында 45 шақырымды құрады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
ТЖМ Қазақстан өңірлеріндегі су тасқыны жағдайы туралы мәлімдеме жасады
Сурет: ТЖМ
Өңірлерде су тасқынына қарсы іс-шаралар, азаматтарды құлақтандыру, су тасқыны салдарын жою жұмыстары жалғасуда. Азаматтық қорғау қызметтері, волонтерлер және тартылған ұйымдар Атырау, Ақтөбе, Ақмола, Батыс Қазақстан, Қостанай және Солтүстік Қазақстан облыстарында су тасқынын жою және халыққа көмек көрсету бойынша жұмыстарды жалғастыруда, деп хабарлайды ҚР ТЖМ баспасөз қызметінен.
Батыс Қазақстан облысында Жайық өзенінің су деңгейіне мониторинг жалғасуда, азаматтарды құлақтандыру және телерадио арқылы хабарландыру әр 4 сағат сайын жалғасуда. Өңірлерден ТЖ министрлігінің қосымша күштері мен құралдары тартылуда. Келген күштер мен құралдар учаскелерге бөлініп, жұмысқа кірісті.
Өткен тәулікте Орал қаласының "Стеновик" бау-бақша қоғамынан 4 адам құтқарылып, 61 адам эвакуацияланды. Қалған тұрғындар бұған дейін алдын ала эвакуацияланған болатын. 1497 адам уақытша орналастыру пункттерінде, қалған тұрғындар туыстарының үйлеріне орналастырылды. Саяжай үйлерде қалып қойған тұрғындардың бар-жоғын тексеру мақсатында аралау жалғасуда.
Осы сағатта 23 085 адам өз үйлеріне оралды. 8 872 адам, оның ішінде 3 852 бала эвакуациялау пункттерінде.
4 554 тұрғын үй мен 2 767 аула аумағынан судың бағыты бұрылып, су сорылды. 11,4 млн астам текше метр еріген қар суы сорып шығарылды, 5,3 млн қапшық және 1,4 млн астам тонна инертті материал төселді.
Ақмола, Ақтөбе, Атырау және Солтүстік Қазақстан облысында 5 842 жеке тұрғын үй мен 1 061 аула аумағынан судың бағытын бұру және су сору жұмыстары жалғасуда.
Су жүрген 32 автожол, су шайған 56 автожол, оның ішінде 9 көпір және 45 жол төсемі бақылауда қалуда. 32 елді мекен көлік қатынасынсыз қалуда, оларға қажетті азық-түлік және дәрі-дәрмек қорлары құрылды.
Жедел желі телефонына 2 132 қоңырау түсті.
Авариялық-құтқару және су тасқынына қарсы жұмыстарға 33 852 адам, 4 973 техника, 874 су сору құралы, 389 жүзу құралы, 14 әуе кемесі жұмылдырылды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Су тасқыны салдарынан эвакуацияланғандар саны 118 мыңнан асты
Сурет: ТЖМ
Жүргізілген су тасқынына қарсы іс-шаралардың арқасында 19 715 адам өз үйлеріне оралды. Жедел шаралармен ТЖ аймақтарынан тұрғындар мен жануарларды эвакуациялау алдын ала жүргізілді. Су тасқыны басталғалы бері барлығы 118 180 адам, оның ішінде 44 254 бала құтқарылып, эвакуацияланды. 113 852 ауыл шаруашылық жануары қауіпсіз жерге айдалды, деп хабарлайды ҚР ТЖМ баспасөз қызметінен.
8 821 адам, оның ішінде 3 885 бала эвакуациялау пункттерінде. 4 370 тұрғын үй мен 2 737 аула аумағынан судың бағыты бұрылды. 10,5 млн астам текше метр еріген қар суы сорып шығарылды, 3,4 млн қапшық және 1,4 млн астам тонна инертті материал төселді.
Ақтөбе, Қостанай, Ақмола, Атырау, Солтүстік Қазақстан облыстарында 5 989 жеке тұрғын үй, 1 091 аула аумағы су астында қалуда.
ТЖМ Апаттар медицинасы орталығының психологтары су тасқыны қаупі бар өңірлердің тұрғындарына шұғыл психологиялық және ақпараттық көмек көрсету мақсатында тәулік бойы кезекшілікті атқаруда. Жедел желі телефонына 1 971 қоңырау түсті.
Зардап шеккен өңірлерге теміржол, автомобиль көліктерімен және әуе кемелерімен 4 529 тонна гуманитарлық көмек жеткізілді.
Су жүрген 60 автожол, су шайған 63 автожол, оның ішінде 10 көпір және 53 жол төсемі бақылауда қалуда. 44 елді мекен көлік қатынасынсыз қалды, оларға қажетті азық-түлік және дәрі-дәрмек қорлары құрылды.
Ақмола облысында қардың қарқынды еруіне және Есіл өзені су деңгейінің көтерілуіне байланысты Есіл ауданының Двуречное ауылында 10 жеке тұрғын үй су астында қалды. 47 адам алдын ала эвакуацияланды, олар туыстарының үйлеріне орналастырылды.
Ақтөбе облысында Ырғыз ауданының Құйлыс ауылынан Ырғыз ауылына әуе кемелерімен алдын ала 25 адам уақытша орналастыру пунктіне эвакуацияланды. Белшер және Мамыр ауылдарына 500 литр жанар-жағармай және 2 тонна гуманитарлық көмек жеткізілді. Құйлыс ауылында Торғай өзенінде жағалауды нығайту жұмыстары жалғасуда.
Солтүстік Қазақстан облысында Петропавл қаласының Подгора шағын ауданында, Кожевенный кентінде 348 жеке тұрғын үйді, сондай-ақ 3031 саяжай құрылысы су астында қалды. Тұрғындар алдын ала эвакуацияланды. Есіл өзенінің су деңгейіне мониторинг жүргізілуде. ТЖД және ЖАО қызметтері Петропавл қаласының және облыс аудандарының эвакуациялық пункттерінде орналасқан тұрғындарға психологиялық көмек көрсетуде.
Авариялық-құтқару және су тасқынына қарсы жұмыстарға азаматтық қорғау қызметтерінен 44 137 адам, 4 642 техника, 858 су сору құралы, 341 жүзу құралы, 12 әуе кемесі жұмылдырылды, сондай-ақ волонтерлер де белсенді қатысуда.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматыда тұрғын үй аумағына көшкін түсті
Сурет: ТЖМ
Алматыда тұрғын үй аумағына көшкін түсті, деп хабарлайды ҚР ТЖМ баспасөз қызметінен.
Алматы қ.Медеу ауданында жаңбыр түрінде жауын-шашынның мөлшернің түсуіне және топырақтың батпақтануына байланысты салынып жатқан 3 қабатты тұрғын үйдің аумағына 50 текше метр көлемінде сырғыма түсіп, қазан шұңқырдың ішінде тоқтады. Сондай-ақ, үйдің оңтүстік жағында көлемі 15-20 текше метр топырақ массасы түсті", деп көрсетілген хабарламада.
Зардап шеккендер мен қираулар жоқ.
ТЖД күштерімен учаскені егжей-тегжейлі тексеру жүргізілуде, қауіп жоқ.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.