СЕМЕЙ. 3-шілде. Kazakhstan Today. Семейде адамдарды ұрлап, пәтерлерге қатысты алаяқтықпен шұғылданып келген қылмыстық топ құрықталды. Бұл туралы Kazakhstan Today тілшісіне ШҚО ІІД баспасөз қызметінің маманы Дәулет Садықов құлағдар етті.
Оның айтуынша, мамырдың аяғында 38 жастағы Семей тұрғыны кезекші бөлімге келіп, бір топ адам өзі мен оның үш туысын қорқытып-үркіту арқылы қаладағы бір үйге күшпен апарып қамап, сол жерде бір жарым ай бойы ұстағанын жеткізген. Тергеу барысында мәлім болғанындай, зардап шеккендердің отбасы ішімдік ішу барысында бейтаныс біреулерге сатқалы отырған пәтерлері бар екенін айтып қойған. "Қызығушылығы туған жігіттер пәтер құжаттары туралы сұрастырып біліп, осыдан кейін адамдарды түгелімен топ мүшелерінің біреуінің үйіне жеткізген", - деді Д. Садықов.
Тәртіп сақшыларының ақпаратына сәйкес, ұрланған төрт адамды осы жерде бір ай бойы ұстап, осыдан кейін жәбірленушінің екі туысын қылмыскерлер белгісіз бағытта алып кеткен. Бірнеше күннен кейін олардың мәйіттері Семей-Өскемен тас жолынан 150 метр жерден табылған. Сараптама қорытындысы көрсеткендей, адамдар үсіну және арақтан улану салдарынан қайтыс болған.
"Ал тірі қалған адамдарды нотариусқа апарып, сол жерде құжаттарға қол қоюға мәжбүрлеген", - деді Д. Садықов. Оның айтуынша, құжаттар рәсімделгеннен кейін жәбірленушілерді басқа біреудің пәтеріне жеткізген, әлгілер сол жерден қашып шығуға мүмкіндік табады.
Шығыс Қазақстан облыстық ҰҚКД мен ұйымдасқан қылмыспен күрес басқармасының қызметкерлері шұғыл -іздестіру шараларының барысында 2006-жылдың қаңтар айы мен 2007 -жылдың мамыр айы аралығында Семейде қылмыстық топтың әрекет еткенін анықтады. Олар ішімдікке салынған және психоневрологиялық диспансерде тіркеуде тұрған адамдардың пәтерлерін иемденумен шұғылданған. Ұйымдасқан қылмыстық топты 32 жастағы семейлік әйел 5 адамнан құрып басқарған.
Қазір осы дерек бойынша шұғыл тергеу шаралары жүргізілуде. "Бұл қылмыстық топтың жалғыз әрекеті емес", - деді Д. Садықов. Қылмыстық топ жалған құжаттармен иемденіп, сатып жіберген тағы да үш пәтер анықталды.
Ұсталғандардың үстінен ҚР Қылмыстық кодексінің 235-ші (қылмыстық топ немесе қылмыстық қоғам құру және басқару, қылмыстық қоғамға қатысу), 177-ші (алаяқтық), 126-шы бабы, 2-тармағы (пайдакүнемдік мақсатпен адамды заңсыз бас бостандығынан айыру) бойынша қылмыстық іс қозғалды. "Тергеудің қазіргі сатысында осы қылмыстық топтың іс -әрекетінен келген алдын-ала шығын көлемі 6 млн 280 мың теңгені құрап отыр", - деді полицей.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Семейде адамдарды ұрлап, пәтерлерге қатысты алаяқтықпен шұғылданып келген қылмыстық топ құрықталды
тақырып бойынша жаңалықтар
Су тасқыны салдарынан эвакуацияланғандар саны 118 мыңнан асты
Сурет: ТЖМ
Жүргізілген су тасқынына қарсы іс-шаралардың арқасында 19 715 адам өз үйлеріне оралды. Жедел шаралармен ТЖ аймақтарынан тұрғындар мен жануарларды эвакуациялау алдын ала жүргізілді. Су тасқыны басталғалы бері барлығы 118 180 адам, оның ішінде 44 254 бала құтқарылып, эвакуацияланды. 113 852 ауыл шаруашылық жануары қауіпсіз жерге айдалды, деп хабарлайды ҚР ТЖМ баспасөз қызметінен.
8 821 адам, оның ішінде 3 885 бала эвакуациялау пункттерінде. 4 370 тұрғын үй мен 2 737 аула аумағынан судың бағыты бұрылды. 10,5 млн астам текше метр еріген қар суы сорып шығарылды, 3,4 млн қапшық және 1,4 млн астам тонна инертті материал төселді.
Ақтөбе, Қостанай, Ақмола, Атырау, Солтүстік Қазақстан облыстарында 5 989 жеке тұрғын үй, 1 091 аула аумағы су астында қалуда.
ТЖМ Апаттар медицинасы орталығының психологтары су тасқыны қаупі бар өңірлердің тұрғындарына шұғыл психологиялық және ақпараттық көмек көрсету мақсатында тәулік бойы кезекшілікті атқаруда. Жедел желі телефонына 1 971 қоңырау түсті.
Зардап шеккен өңірлерге теміржол, автомобиль көліктерімен және әуе кемелерімен 4 529 тонна гуманитарлық көмек жеткізілді.
Су жүрген 60 автожол, су шайған 63 автожол, оның ішінде 10 көпір және 53 жол төсемі бақылауда қалуда. 44 елді мекен көлік қатынасынсыз қалды, оларға қажетті азық-түлік және дәрі-дәрмек қорлары құрылды.
Ақмола облысында қардың қарқынды еруіне және Есіл өзені су деңгейінің көтерілуіне байланысты Есіл ауданының Двуречное ауылында 10 жеке тұрғын үй су астында қалды. 47 адам алдын ала эвакуацияланды, олар туыстарының үйлеріне орналастырылды.
Ақтөбе облысында Ырғыз ауданының Құйлыс ауылынан Ырғыз ауылына әуе кемелерімен алдын ала 25 адам уақытша орналастыру пунктіне эвакуацияланды. Белшер және Мамыр ауылдарына 500 литр жанар-жағармай және 2 тонна гуманитарлық көмек жеткізілді. Құйлыс ауылында Торғай өзенінде жағалауды нығайту жұмыстары жалғасуда.
Солтүстік Қазақстан облысында Петропавл қаласының Подгора шағын ауданында, Кожевенный кентінде 348 жеке тұрғын үйді, сондай-ақ 3031 саяжай құрылысы су астында қалды. Тұрғындар алдын ала эвакуацияланды. Есіл өзенінің су деңгейіне мониторинг жүргізілуде. ТЖД және ЖАО қызметтері Петропавл қаласының және облыс аудандарының эвакуациялық пункттерінде орналасқан тұрғындарға психологиялық көмек көрсетуде.
Авариялық-құтқару және су тасқынына қарсы жұмыстарға азаматтық қорғау қызметтерінен 44 137 адам, 4 642 техника, 858 су сору құралы, 341 жүзу құралы, 12 әуе кемесі жұмылдырылды, сондай-ақ волонтерлер де белсенді қатысуда.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматыда тұрғын үй аумағына көшкін түсті
Сурет: ТЖМ
Алматыда тұрғын үй аумағына көшкін түсті, деп хабарлайды ҚР ТЖМ баспасөз қызметінен.
Алматы қ.Медеу ауданында жаңбыр түрінде жауын-шашынның мөлшернің түсуіне және топырақтың батпақтануына байланысты салынып жатқан 3 қабатты тұрғын үйдің аумағына 50 текше метр көлемінде сырғыма түсіп, қазан шұңқырдың ішінде тоқтады. Сондай-ақ, үйдің оңтүстік жағында көлемі 15-20 текше метр топырақ массасы түсті", деп көрсетілген хабарламада.
Зардап шеккендер мен қираулар жоқ.
ТЖД күштерімен учаскені егжей-тегжейлі тексеру жүргізілуде, қауіп жоқ.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматыда Альпинисттік лагерьдің маңында қар көшкіні түсті
Сурет: ТЖМ
Алматының Медеу ауданында қар көшкіні орын алды, деп хабарлайды ҚР ТЖМ баспасөз қызметінен.
Бүгін Медеу ауданындағы қар ржинағыштарда, Альпинисттік лагерьдің маңында көлемі 4000 текше метр қар көшкіні түсті.
Сонымен қатар, Қазгидромет синоптиктерінен қатты жауын-шашынның түсуіне, үлкен және Кіші Алматы өзендерінің бассейндеріндегі қар жамылғысының тұрақсыз жағдайына байланысты көшкін қаупі сақталатыны туралы дауылды ескерту түсті.
ТЖМ азаматтардан таулы жерлерге баруды шектеуді сұрайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
СҚО 2 мыңнан астам тұрғын үй су астында қалды
Сурет: akorda
Мемлекет басшысы Солтүстік Қазақстан облысына жұмыс сапарымен келді, деп хабарлайды Ақорданың баспасөз қызметінен.
Қасым-Жомарт Тоқаевтың жұмыс сапары Сергеевка су қоймасын, Қызылжар ауданын және Петропавл қаласының төңірегін тікұшақпен аралап көруден басталды.
◾️Облыс әкімі Ғауез Нұрмұхамбетов Мемлекет басшысына Солтүстік Қазақстан облысының Қызылжар, Есіл, Шал ақын аудандары мен Петропавл қаласындағы су тасқыны жағдайын баяндады. Өңір әкімінің айтуынша, алты ауданда төтенше жағдай жарияланған. Қазіргі таңда 2 мыңнан астам тұрғын үйді су басқан, 10345 адам эвакуацияланған.
◾️Су тасқынына қарсы шараларға 5270 адам және 906 техника жұмылдырылған. Халықтың тұрмыс-тіршілігіне қажетті инфрақұрылымдарды қалпына келтіру жұмыстары жүргізіліп жатыр. Табиғи апаттан зардап шеккен азаматтардың материалдық шығындарын есептеу және өтеу жөнінде комиссия құрылған.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.