СЕМЕЙ. 11-қыркүйек. Kazakhstan Today. Семейдегі тергеу абақтысынан осыдан 14 жыл бұрын қашып кеткен екі қылмыскер ұсталды. Олар бір жігіттің өліміне қатысы бар күдіктілер ретінде отырған болатын. Бұл туралы Kazakhstan Today тілшісіне ҚР ІІМ әскери-тергеу басқармасының тергеу бөлімінің бастығы Серік Қожабеков хабарлады.
Оның айтуынша, 1992-жылдың 20-қазанында мерзімді әскери борышын өтеп жүрген екі әскер 36/803 әскери бөлімшеге демалыстан кейін қайтып келе жатқан. Жолай олар бір 20 жастағы жігітпен танысады. "Илгі жігіт жақсы киінген екен. Сол себепті әскерлер оны тонап алу туралы қаскөй ниетке келеді. Бір әскер жігітті басынан ұрса, екіншісі тамағынан бауыздап жіберген. Сөйтіп, оның киімдерін шешіп алып, бөлімшеге қайтып келген",- дейді С.Қожабаев.
Шұғыл шаралардан кейін әскерилер қолға түскен. Алайда, конвойдың немқұрайдылығы салдарынан олар тергеу абақтысынан қашып кетіп, 14 жыл бойы халықаралық іздеуде болған".
2006-жылдың басында өлімге қатысы бар күдіктілердің Ресей аумағында жүргені анықталды. "Осы жылдар бойы жасырынып жүру барысында да күдіктілер Ресей мен Украина аумағында бірқатар басқа да қылмыстарға барған", дейді әділет полковнигі.
С.Қожабаевтың айтуынша, қазір бір қылмыскер Новосибирск қаласында тағы бір қылмысы үшін жазасын өтеп жүр. Жаза мерзімі аяқталған соң ол Семейге экстрадицияланып, онда сотқа тартылады. "Екінші күдікті Орынбор облысында ұсталды. Қазір ол ҚР Қылмыстық кодексінің "кісі өлтіру жөніндегі" 96-бабы бойынша 14 жылға бас бостандығынан айрылды",- деді С.Қожабаев.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Семейдегі тергеу абақтысынан 14 жыл бұрын қашып кеткен қылмыскерлер ұсталды
тақырып бойынша жаңалықтар
Алматыда тұрғын үй аумағына көшкін түсті
Сурет: ТЖМ
Алматыда тұрғын үй аумағына көшкін түсті, деп хабарлайды ҚР ТЖМ баспасөз қызметінен.
Алматы қ.Медеу ауданында жаңбыр түрінде жауын-шашынның мөлшернің түсуіне және топырақтың батпақтануына байланысты салынып жатқан 3 қабатты тұрғын үйдің аумағына 50 текше метр көлемінде сырғыма түсіп, қазан шұңқырдың ішінде тоқтады. Сондай-ақ, үйдің оңтүстік жағында көлемі 15-20 текше метр топырақ массасы түсті", деп көрсетілген хабарламада.
Зардап шеккендер мен қираулар жоқ.
ТЖД күштерімен учаскені егжей-тегжейлі тексеру жүргізілуде, қауіп жоқ.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматыда Альпинисттік лагерьдің маңында қар көшкіні түсті
Сурет: ТЖМ
Алматының Медеу ауданында қар көшкіні орын алды, деп хабарлайды ҚР ТЖМ баспасөз қызметінен.
Бүгін Медеу ауданындағы қар ржинағыштарда, Альпинисттік лагерьдің маңында көлемі 4000 текше метр қар көшкіні түсті.
Сонымен қатар, Қазгидромет синоптиктерінен қатты жауын-шашынның түсуіне, үлкен және Кіші Алматы өзендерінің бассейндеріндегі қар жамылғысының тұрақсыз жағдайына байланысты көшкін қаупі сақталатыны туралы дауылды ескерту түсті.
ТЖМ азаматтардан таулы жерлерге баруды шектеуді сұрайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
СҚО 2 мыңнан астам тұрғын үй су астында қалды
Сурет: akorda
Мемлекет басшысы Солтүстік Қазақстан облысына жұмыс сапарымен келді, деп хабарлайды Ақорданың баспасөз қызметінен.
Қасым-Жомарт Тоқаевтың жұмыс сапары Сергеевка су қоймасын, Қызылжар ауданын және Петропавл қаласының төңірегін тікұшақпен аралап көруден басталды.
◾️Облыс әкімі Ғауез Нұрмұхамбетов Мемлекет басшысына Солтүстік Қазақстан облысының Қызылжар, Есіл, Шал ақын аудандары мен Петропавл қаласындағы су тасқыны жағдайын баяндады. Өңір әкімінің айтуынша, алты ауданда төтенше жағдай жарияланған. Қазіргі таңда 2 мыңнан астам тұрғын үйді су басқан, 10345 адам эвакуацияланған.
◾️Су тасқынына қарсы шараларға 5270 адам және 906 техника жұмылдырылған. Халықтың тұрмыс-тіршілігіне қажетті инфрақұрылымдарды қалпына келтіру жұмыстары жүргізіліп жатыр. Табиғи апаттан зардап шеккен азаматтардың материалдық шығындарын есептеу және өтеу жөнінде комиссия құрылған.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Оралда тіршілікті қамтамасыз ететін стратегиялық нысандарды тасқыннан қорғау амалдары күшейтілді
Сурет: primeminister.kz
Батыс Қазақстан облысында тіршілікті қамтамасыз ететін нысандарды қорғау шаралары күшейтілді. Атап айтқанда, Оралда "Батыс су арнасы" ЖШС, "Жайықжылуэнерго" АҚ нысандары мен сорғылау стансасында су тасқынына қарсы жұмыстар ұйымдастырылды, деп хабарлайды Үкіметтің баспасөз қызметінен.
Орал қаласында сумен жабдықтау жұмысы 2 түрлі көзден жүзеге асырылады: жер асты сулары мен Жайық өзені арқылы. Қаланың 340 мың халқын сумен қамтамасыз ететін "Батыс су арнасы" коммуналды кәсіпорны қазір қалыпты режімде жұмыс істеп тұр. Мәселен, қажетті су мен оны тазалауға арналған реагенттер қоры жеткілікті деңгейде. Апатқа қарсы бригадалар, кәсіпорынның 820 қызметкері мен 82 арнайы техника дайын тұр.
Жайық өзені бойындағы стратегиялық нысандарды тасқыннан қорғау үшін бөгетті нығайту бойынша жұмыстар жүргізіліп жатыр. Қала тұрғындарын сумен қамтамасыз ету жұмыстары алдын ала қолға алынған. Су таситын арнайы көлік қарастырылған", - деді "Батыс су арнасының" бас инженері Аян Тасқали.
Жайықжылуэнергосына" 248 шақырымнан астам қалалық жылу жүйесі қарайды. Аталған нысандардың аумағында, оның ішінде аса қауіпті учаскелерде су тасқынына қарсы жұмыс аясында құм-қиыршық тас қоспасымен толтыру амалдары күшейтілді. Тиісті жұмыстарған 180 адам мен 15 арнайы техника жұмылдырылып отыр.
Тұтастай алғанда, Батыс Қазақстанда барлығы 20 мың шақырымнан астам электр желісі бар. Айталық, төрт ауданда 20-дан астам, сондай-ақ Орал қаласында 16 қосалқы станса жұмыс істеп тұр. Олар қырда орналасқандықтан су басу қаупі жоқ. Бұған қоса превентивті амалдар қолға алынып, шаһардағы екі қосалқы стансада қап төсеу, қорғаныс үйіндісін орнату жұмыстары қарқын алды. Сонымен бірге апатқа қарсы бригадалар, 1400 қызметкер мен 140 арнайы техника дайын тұр.
Осы ретте Жайық өзенінде орналасқан сорғы стансасын қорғау шаралары да қабылданғанын айта кетейік.
Жайық өзенінің жағасында "Жайықжылуэнерго" мекемесін сумен, сондай-ақ қала халқын ауыз сумен қамтамасыз ететін сорғы стансасы бар. Одан күнделікті шамамен 60 мың текше метр су аламыз. Бұл стратегиялық нысан болып саналады. Сондықтан оның айналасына қап төсеп жатырмыз", - деді Энергетика және ТКШ басқармасы басшысы Мирас Мүлкәй.
Естеріңізге сала кетейік, Батыс Қазақстан өңірінде алдағы су тасқынына дайындық аясында қажетті күш жұмылдырылды. Өңірде су тасқынына қарсы іс-шараларға барлығы 6,3 мыңнан астам адам және 1,5 мың техника тартылып отыр. Тұрғын үй алаптарын нығайту бойынша шаралар қабылдануда.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.