"Семей орманы" резерватында ашық өрт сөндірілгеннен кейін бықсу ошақтарын сөндіру жұмыстары жалғасуда
Бүгін "Семей орманы" мемлекеттік орман табиғи резерватында шыққан өрт толық сөндірілді. Мамандар жекелеген түтін ошақтарын басу жұмыстарын жалғастырып жатыр, деп хабарлайды Қазақстан Республикасы Экология және табиғи ресурстар министрлігінің баспасөз қызметінен.
"Ашық жалын байқалмайды. Жекелеген түтін ошақтарын басу жұмыстары жүргізілуде", - деп мәлімдеді министрлік.
Өртті сөндыруге 17 шілде сағат 08:00-дегі жағдай бойынша өртті сөндіруге 769 адам, 191 бірлік жерүсті техникасы және 8 тікұшақ жұмылдырылды.
Экология және табиғи ресурстар министрі Ерлан Нысанбаев пен Абай облысының әкімі Берік Уәли өрт аумағын әуеден бақылап, жағдайды және атқарылып жатқан жұмыс барысын қадағалауда.
Түнде өрт сөндіру жұмыстары бүкіл периметр бойынша жүргізілді, өрттің одан әрі таралуын болдырмау үшін оның шетін күзетіп, сөндірді. Күн шыққан кезде, жету қиын жерлерді сөндіру үшін дереу өрттің ішкі жағына жаяу десант жіберілді.
Өртті сөндіру басталғаннан бері тікұшақтар 243 мәрте су төгіп, жалпы 546 тонна су жеткізілген.
Естеріңізге сала кетсек, 2026 жылдың 16 шілдесінде Абай облысындағы "Семей орманы" мемлекеттік орман табиғи резерватының аумағында өрт шыққан болатын. Өрт ошағына жақын орналасқан балалар лагерінен 210 адам эвакуацияланды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстанның екі өңірінде аптап ыстық салдарынан орман өрті шықты
Сурет: gov.kz
Аптап ыстық салдарынан Солтүстік Қазақстан және Алматы облыстарында үш орман өрті тіркелді, деп хабарлайды ҚР Экология және табиғи ресурстар министрлігінің баспасөз қызметінен.
"Қабылданған жедел шаралардың нәтижесінде барлық өрт қысқа мерзімде толық сөндірілді", - делінген хабарламада.
Министрліктің мәліметінше, өртті сөндіруге РМҚК "Қазавиаорманқорғау" кәсіпорнының әуе өрт сөндіру десантшылары, сондай-ақ мемлекеттік орман күзетінің күштері мен құралдары жұмылдырылды.
"Елімізде аптап ыстық пен найзағайлы фронттардың сақталуына байланысты өрт қаупі жоғары деңгейде қалып отыр. Осыған байланысты мемлекеттік орман күзеті мен РМҚК "Қазавиаорманқорғау" күштері күшейтілген режимде жұмыс істеуде. Әуе және жерүсті патрульдеу жұмыстары үздіксіз жүргізілуде",- деп мәлім етті мекемеден.
Бұған дейін "Семей орманы" аумағында екі орман өрті шыққан болатын.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
СІМ Сербияда Қазақстан азаматының қаза тапқанын растады
Қазақстан Республикасы Сыртқы істер министрлігі Сербияда Қазақстан азаматының қаза тапқанын растады, деп хабарлайды агенттік тілшісі.
"Қазақстанның Сербиядағы Елшілігі жергілікті құзыретті органдармен бірлесе отырып оқиғаның барлық мән-жайын анықтап жатыр. Сондай-ақ, қазақстандық дипломаттар марқұмның туыстарымен тұрақты байланыста болып, оларға жан-жақты консулдық-құқықтық қолдау көрсетуде. Бұл мәселе министрліктің бақылауында", - деп мәлім етті баспасөз қызметінен.
Бұған дейін Белградта Қазақстан азаматының қаза тапқаны туралы ақпарат әлеуметтік желілерде тараған болатын. Марқұмның туыстары қайғылы оқиғаның мән-жайын жан-жақты тергеуді талап етіп, болған жағдайдың барлық егжей-тегжейін анықтауға көмектесуді сұрап, жұртшылыққа үндеу жасаған.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Балқаш жағалауында көлікпен қауіпті әрекет жасаған жүргізуші 10 тәулікке қамалды
Сурет: Бейнежазбадан алынған кадр
Балқаш көлінің жағалауы мен су айдынында қауіпті автокөлік жарысын ұйымдастырған Тараз қаласының тұрғыны 10 тәулікке қамауға алынды, деп хабарлайды Polisia.kz.
"Полиция қызметкерлері Алматы облысы Жамбыл ауданындағы Балқаш көлінің тура жағалауында және судың ішінде адамдар, жас балалар шомылып жүрген кезде Mercedes-Benz автокөлігін жүргізіп, қауіп төндірген 40 жастағы жүргізушіні анықтады. Ол өз әрекетімен айналасындағылардың өмірі мен денсаулығына қауіп төндірген",- деп көрсетілген хабарламада.
Автокөлік арнайы тұраққа қойылды.
Бұған дейін Жамбыл облысында отшашумен автокөлік кортежін ұйымдастырған қатысушылар жауапкершілікке тартылған болатын.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан СІМ Алтайдағы қазақстандықтардың қатысуымен болған жол апатына қатысты пікір білдірді
Сурет: AI
ҚР Сыртқы істер министрлігі Ресейдің Алтай Республикасының Ұлаған ауданында екі отандасымыз қаза тауып, тағы біреуі жарақат алып, ауруханаға жеткізілген жол-көлік оқиғасына қатысты пікір білдірді, деп хабарлайды агенттік тілшісі.
"Өкінішке қарай, алған жарақаттарының салдарынан оқиға орнында Қазақстанның екі азаматы көз жұмды. Тағы бір отандасымыз әртүрлі дәрежедегі жарақат алып, Горно-Алтайск қаласындағы республикалық клиникалық ауруханаға шұғыл түрде жеткізілді", - деп көрсетілген хабарламада.
СІМ қазақстандық дипломаттардың жергілікті билік органдарымен, медициналық мекемемен және зардап шеккендердің туыстарымен жедел байланыс орнатқанын хабарлады.
"Қажетті консулдық-құқықтық көмек көрсетілуде. Сондай-ақ қаза тапқандардың мәйіттерін елге жеткізуді ұйымдастыру бойынша тиісті қолдау жасалып жатыр. Бұл мәселе министрліктің ерекше бақылауында", - деп мәлімдеді ведомство.
Естеріңізге сала кетсек, Алтай Республикасының Ұлаған ауданындағы Ақташ ауылы маңында Toyota Avensis автокөлігін басқарған 31 жастағы әйел жолдың қарсы бағытына шығып кетіп, Қазақстан азаматы басқарған Chevrolet Nexia көлігімен соқтығысқан болатын.
Жол апаты салдарынан екі Қазақстан азаматы қаза тапты. Сондай-ақ, әртүрлі дәрежедегі жарақатпен Ақташ ауылының 21 жастағы тұрғыны және Chevrolet Nexia көлігінің үш жолаушысы - 63 жастағы екі ер адам мен 13 жастағы қыз бала ауруханаға жеткізілген болатын.
Полицияның мәліметіне сүйенсек, әйел көлікті мас күйінде және жүргізуші куәлігінсіз басқарған. Аталған жол апаты бойынша тергеп-тексеру жүргізілуде.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматыда 2 балдық жер сілкінісі тіркелді
Сурет: Depositphotos
29 шілдеде Қытай аумағында магнитудасы 4,8 болатын жер сілкінісі тіркеліп, жерасты дүмпулері Алматы қаласында да сезілді, деп хабарлайды Қазақстанның Ұлттық деректер орталығы.
Жедел мәліметтерге сәйкес, жер сілкінісі Астана уақытымен 11:10-да (Гринвич бойынша 06:10-да) тіркелген. Жер сілкінісінің ошағы 41,38° солтүстік ендік және 78,72° шығыс бойлық координаттарында орналасқан. Энергетикалық класы - 11,6.
Алматыдағы жерасты дүмпулерінің есептік қарқындылығы 2 баллды құрады.
Естеріңізге сала кетсек, 28 шілде күні Жапонияның Кюсю аралында магнитудасы 7,1 болатын жер сілкінісі болып, кейін билік цунами қаупі болатындығын ескерткен болатын.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Жетісу облысында жол апатынан үш адам қаза тапты
Сурет: Depositphotos
Жетісу облысының Алакөл ауданындағы Алматы - Өскемен автожолының 474-шақырымында 26 шілдеде болған жол-көлік оқиғасы салдарынан үш адам қаза тауып, тағы алты адам зардап шекті, деп хабарлайды облыстық полиция департаментінен.
Күш құрылымдарының мәліметінше, Kia Sportage автокөлігінің жүргізушісі көлікті басқара алмай, жолдың қарсы бағытына шығып кетіп, Toyota Highlander автокөлігімен соғылып, артынша Kia атокөлігі сол бағытта келе жатқан Lexus GS300 автокөлігіне соғылған.
Жол апаты салдарынан Kia Sportage жүргізушісі мен оның екі жолаушысы оқиға орнында көз жұмды. Тағы алты адам түрлі жарақаттармен ауруханаға жеткізілді.
Жол-көлік оқиғасы бойынша полиция сотқа дейінгі тергеп-тексеруді бастады. Тергеушілер оқиғаның барлық мән-жайы мен себептерін анықтауда.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.