Шығыс Қазақстан облысындағы ауылдардан тасқын болу қаупіне байланысты 5,5 мың адам көшірілді
Шығыс Қазақстан облысындағы ауылдардан тасқын болу қаупіне байланысты 5,5 мың адам көшірілді
Астана. 19 наурыз. Kazakhstan Today - Шығыс Қазақстан облысындағы ауылдардан тасқын болу қаупіне байланысты 5,5 мың адам көшірілді, деп хабарлайды Kazakhstan Today ҚР Төтенше жағдайлар министрлігінің баспасөз қызметіне сілтеме жасап.
Баспасөз қызметінің ақпаратына сәйкес, "Ұлан ауданының Алмасай ауылында 18 наурызда ауа температурасының күрт көтерілуіне және қардың ери түсуіне байланысты 18 үй-қора-жайды су алды. Төтенше жағдайды жоюға жергілікті тұрғындар мен 4 техника тартылды. Адамдар көшірілген жоқ".
Сондай-ақ, ТЖМ мәліметінше, "күннің күрт жылыуына байланысты Ұланка өзеніндегі су деңгейі көтерілді, соның салдарынан Завидное ауылы (123 үй - 337 адам көшірілді), Казачье ауылы (97 үй - 341 адам көшірілді), Герасимовка ауылы (144 үй - 228 адам көшірілді) тасқын аймағында қалды".
Төтенше жағдайды жоюға 48 адам мен 20 техника тартылды.
Сондай-ақ, Зайсан ауданындағы Шілікті ауылдық округінде 17 наурызда Тасбастау ауылындағы 34 үй-қора-жайды су алды, тұрғындар туыстарының үйлері мен мектеп ғимаратына көшірілді. Күршім ауданындағы Қалғұты ауылында 50 үйді су алды. Төтенше жағдайды жоюға 117 адам мен 6 техника тартылды.
Баспасөз қызметінің ақпаратына сәйкес, сондай-ақ, "Тарбағатай ауданында да тасқын ахуалы ушыға түсуде, атап айтсақ, 19 елдімекенде: Ойшілік, Құмкөл, Қарғыбау, Қызыл жұлдыз, Көкжол, Көкжыра, Қызыл кесік, Өкпеті, Көктүбек, Ахметбұлақ, Сарыөлең, Қамысты, Асусай, Жетіарал, Танамырза, Есім, Шыбынды, Көккемер, Қарасу, бұл ауылдарда 19 041 адам тұрады".
Атап айтсақ, Көкжыра ауылын су алды, Танамырза ауылынан 300 адам көршілес Ақсуат ауылына көшірілген. Тасқын суы Кесік ауылы арқылы да өтуде, ауылдағы көпірдің тіреуін су шайып кеткен. Елдімекендердің арасындағы көлік байланысы қиындап, жарық ауық-ауық үзілуде. Елдімекендерден көшірілген адамдардың саны 4220 адамға жетті.
Төтенше жағдайды жоюға 998 адам мен 123 техника тартылды.
Сондай-ақ, ТЖМ ақпаратына сәйкес, Алматы облысында да тасқын жалғасуда. " Алакөл ауданының Қабанбай ауылында 18 наурызда сағат 11.00-де тасқын суы 61 үйді алды".
"Төтенше жағдайды жоюға жергілікті тұрғындардан 37 адам мен 7 техника тартылды, Алматы облыстық ТЖД жеке құрамының 6 адамы мен 2 техникасы да барды. Арықтар тазартылып, аулаларды алған су сорғызылды, сағат 18.00-де аталған іс-шаралардың арқасында аулаларға барып жатқан су тиылды. Су алу қаупі жойылды", - делінген хабарламада.
Сондай-ақ, ТЖМ ақпаратына сәйкес, Алматы облысының Қаратал ауданы Жылыбұлақ ауылындағы тасқын қаупі жойылды, онда 11 наурызда бөгет жарылып, 140 үй судың ішінде қалған болатын. Кешегі сағат 18.00-дегі жағдаймен бөгетті бекіту жұмыстары аяқталды.
Төтенше жағдайды жоюға 10 адам мен 8 техника тартылды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Алматыда Альпинисттік лагерьдің маңында қар көшкіні түсті
Сурет: ТЖМ
Алматының Медеу ауданында қар көшкіні орын алды, деп хабарлайды ҚР ТЖМ баспасөз қызметінен.
Бүгін Медеу ауданындағы қар ржинағыштарда, Альпинисттік лагерьдің маңында көлемі 4000 текше метр қар көшкіні түсті.
Сонымен қатар, Қазгидромет синоптиктерінен қатты жауын-шашынның түсуіне, үлкен және Кіші Алматы өзендерінің бассейндеріндегі қар жамылғысының тұрақсыз жағдайына байланысты көшкін қаупі сақталатыны туралы дауылды ескерту түсті.
ТЖМ азаматтардан таулы жерлерге баруды шектеуді сұрайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
СҚО 2 мыңнан астам тұрғын үй су астында қалды
Сурет: akorda
Мемлекет басшысы Солтүстік Қазақстан облысына жұмыс сапарымен келді, деп хабарлайды Ақорданың баспасөз қызметінен.
Қасым-Жомарт Тоқаевтың жұмыс сапары Сергеевка су қоймасын, Қызылжар ауданын және Петропавл қаласының төңірегін тікұшақпен аралап көруден басталды.
◾️Облыс әкімі Ғауез Нұрмұхамбетов Мемлекет басшысына Солтүстік Қазақстан облысының Қызылжар, Есіл, Шал ақын аудандары мен Петропавл қаласындағы су тасқыны жағдайын баяндады. Өңір әкімінің айтуынша, алты ауданда төтенше жағдай жарияланған. Қазіргі таңда 2 мыңнан астам тұрғын үйді су басқан, 10345 адам эвакуацияланған.
◾️Су тасқынына қарсы шараларға 5270 адам және 906 техника жұмылдырылған. Халықтың тұрмыс-тіршілігіне қажетті инфрақұрылымдарды қалпына келтіру жұмыстары жүргізіліп жатыр. Табиғи апаттан зардап шеккен азаматтардың материалдық шығындарын есептеу және өтеу жөнінде комиссия құрылған.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Оралда тіршілікті қамтамасыз ететін стратегиялық нысандарды тасқыннан қорғау амалдары күшейтілді
Сурет: primeminister.kz
Батыс Қазақстан облысында тіршілікті қамтамасыз ететін нысандарды қорғау шаралары күшейтілді. Атап айтқанда, Оралда "Батыс су арнасы" ЖШС, "Жайықжылуэнерго" АҚ нысандары мен сорғылау стансасында су тасқынына қарсы жұмыстар ұйымдастырылды, деп хабарлайды Үкіметтің баспасөз қызметінен.
Орал қаласында сумен жабдықтау жұмысы 2 түрлі көзден жүзеге асырылады: жер асты сулары мен Жайық өзені арқылы. Қаланың 340 мың халқын сумен қамтамасыз ететін "Батыс су арнасы" коммуналды кәсіпорны қазір қалыпты режімде жұмыс істеп тұр. Мәселен, қажетті су мен оны тазалауға арналған реагенттер қоры жеткілікті деңгейде. Апатқа қарсы бригадалар, кәсіпорынның 820 қызметкері мен 82 арнайы техника дайын тұр.
Жайық өзені бойындағы стратегиялық нысандарды тасқыннан қорғау үшін бөгетті нығайту бойынша жұмыстар жүргізіліп жатыр. Қала тұрғындарын сумен қамтамасыз ету жұмыстары алдын ала қолға алынған. Су таситын арнайы көлік қарастырылған", - деді "Батыс су арнасының" бас инженері Аян Тасқали.
Жайықжылуэнергосына" 248 шақырымнан астам қалалық жылу жүйесі қарайды. Аталған нысандардың аумағында, оның ішінде аса қауіпті учаскелерде су тасқынына қарсы жұмыс аясында құм-қиыршық тас қоспасымен толтыру амалдары күшейтілді. Тиісті жұмыстарған 180 адам мен 15 арнайы техника жұмылдырылып отыр.
Тұтастай алғанда, Батыс Қазақстанда барлығы 20 мың шақырымнан астам электр желісі бар. Айталық, төрт ауданда 20-дан астам, сондай-ақ Орал қаласында 16 қосалқы станса жұмыс істеп тұр. Олар қырда орналасқандықтан су басу қаупі жоқ. Бұған қоса превентивті амалдар қолға алынып, шаһардағы екі қосалқы стансада қап төсеу, қорғаныс үйіндісін орнату жұмыстары қарқын алды. Сонымен бірге апатқа қарсы бригадалар, 1400 қызметкер мен 140 арнайы техника дайын тұр.
Осы ретте Жайық өзенінде орналасқан сорғы стансасын қорғау шаралары да қабылданғанын айта кетейік.
Жайық өзенінің жағасында "Жайықжылуэнерго" мекемесін сумен, сондай-ақ қала халқын ауыз сумен қамтамасыз ететін сорғы стансасы бар. Одан күнделікті шамамен 60 мың текше метр су аламыз. Бұл стратегиялық нысан болып саналады. Сондықтан оның айналасына қап төсеп жатырмыз", - деді Энергетика және ТКШ басқармасы басшысы Мирас Мүлкәй.
Естеріңізге сала кетейік, Батыс Қазақстан өңірінде алдағы су тасқынына дайындық аясында қажетті күш жұмылдырылды. Өңірде су тасқынына қарсы іс-шараларға барлығы 6,3 мыңнан астам адам және 1,5 мың техника тартылып отыр. Тұрғын үй алаптарын нығайту бойынша шаралар қабылдануда.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстанның бес облысында бес мыңнан астам үй су астында қалды
Сурет: ТЖМ
Ақмола, Ақтөбе, Қостанай, Атырау, Солтүстік Қазақстан облыстарында 5 411 жеке тұрғын үй, 1 607 аула аумағы су астында қалуда, деп хабарлайды ҚР ТЖМ баспасөз қызметінен.
Бірлескен күштермен 9,5 млн. астам текше метр еріген қар суы сорылды, 2,2 млн. қапшық және 1,2 млн. тонна инертті материал төселді. 3 503 тұрғын үй мен 2 157 аула аумағынан су бұрылды", деп көрсетілген хабарламада.
Су тасқыны басталғалы бері 111 194 адам, оның ішінде 39 222 бала құтқарылды және эвакуацияланды. Тартылған әуе кемелерімен 3 575 адам, оның ішінде 1 157 бала құтқарылды. 11 950 адам үйлеріне оралды. Уақытша орналасу пунктеріне 6 814 адам, оның ішінде 2 995 бала орналастырылды. 106 551 ауыл шаруашылық жануар қауіпсіздік жерге айдалды. "Жедел желі" телефонына 1 716 қоңырау түсті, психологтар зардап шеккен адамдарға писхологиялық көмек көрсетуде.
Су жүрген 103 автожол, су шайған 80 автожол, оның ішінде 9 көпір және 71 жол төсемі бақылауда қалуда. Жергілікті атқарушы органдар халықпен байланыс орнатып, қажетті азық-түлік және дәрі-дәрмек қорларын құрған 82 елді мекен көлік қатынасынсыз қалды.
Ақмола облысында Есіл, Қоңыр өзендерінде су деңгейінің көтерілуіне байланысты Атбасар ауданының Самара ауылында, Жарқайың ауданының Пригородное, Құмсуат ауылдарында, Бұланды ауданының Новобратск, Никольск ауылдарында 101 жеке тұрғын үй мен 42 аула аумағы су астында қалды. 163 адам алдын ала эвакуацияланды, олар эвакуациялау пункттері мен туыстарының үйлеріне орналастырылды. Су тасқынына қарсы іс-шаралар және халыққа көмек көрсету, эвакуациялау жұмыстары жалғастырылуда. Өзендер деңгейіне мониторинг жүргізіледі.
Солтүстік Қазақстан облысында Есіл өзенінде су деңгейінің көтерілуіне және су басу қаупіне байланысты Петропавл қаласының Борки шағын ауданында, Хромзауыт шағын ауданы жанындағы Карьерная көшесінде, Қызылжар ауданының Соколовка, Большая малышка ауылдарында 85 жеке тұрғын үй су астында қалды. 1 003 адам алдын ала эвакуацияланды, олар эвакуациялау пункттері мен туыстарының үйлеріне орналастырылды.
Ақтөбе облысында Торғай өзенінде су деңгейінің көтерілуіне байланысты Ырғыз ауданының Нұра ауылында 10 жеке тұрғын үй су астында қалды. 655 адам Ырғыз ауылына алдын ала эвакуацияланды. Сонымен қатар тікұшақ Жайсанбай, Құйылыс ауылдарына 2100 кг азық-түлік және 1600 литр ЖЖМ жеткізілді. Барлығы 121 адам эвакуацияланды. Нұра, Мамыр, Жайсанбай және Тәуіп елді мекендерінде жағалауды нығайту жұмыстары жалғасуда.
Тәулік бойы авариялық-құтқару жұмыстарына ТЖМ, ҚМ, ІІМ, МКҚ, жергілікті атқарушы органдардың, ұйымдардың 33 334 адам, 4 066 бірлік техника, 835 су сору және 275 жүзу құралы, 11 әуе кемесі жұмылдырылды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Ақтөбе облысында қорғаныс бөгеті шайылып, салдарынан ауылды су басты
Сурет: ТЖМ
Торғай өзеніндегі су деңгейінің көтерілуіне байланысты Нұра ауылында қорғаныс бөгеті шайылып, нәтижесінде ауылды су басты, деп хабарлайды ҚР ТЖМ баспасөз қызметінен.
Нұра, Мамыр ауылдарында 327 адам және 25 бірлік техника жұмылдырылды. Жағдайды зерттеу үшін Ақтөбе облысы ТЖД бастығы Нұрғали Жүнісов барды. Алдын ала 1100 дана қаптар салу және 390 тонна инертті материал жеткізу жұмыстары жүргізілді.
Сонымен қатар ТЖД басшылығы жетекшілігімен Қорғаныс Министрлігі ұшағымен құтқарушылар Нұра ауылы Ырғыз ауданы Мамыр, Нұра, Белшер ауылдарынан 3 күн ішінде 685 адам оның ішінде 363 бала эвакуацияланды.
14 сәуір күні түнде су тасқыны жағдайының нашарлауына байланысты Ырғыз ауданына 70 адам мен 5 бірлік техникадан тұратын күштер мен құралдар жіберілді
Сондай-ақ ,ргыз ауданына гуманитарлық жүк жіберілді: 100 күрек, 60 матрац, 50 етік, 40 айран, 1 қап жүгері, 3 қорап консервілер, 10 қорап печенье, 10 мың қап, 1 қайық, 2 тақта, 2 генератор ,1 мотопомпа, 4 қап дәрі-дәрмек.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.