СІМ Анталияда отандасымыздың қаза тапқаны туралы ақпаратты растады
Сурет: Depositphotos
Қазақстан Республикасының Сыртқы істер министрлігі Түркияның Анталия қаласында болған жол-көлік оқиғасы салдарынан Қазақстан азаматының қаза тапқанын растады.
Ведомствоның мәліметінше, адам өліміне әкеп соқтырған жол апаты 15 маусымда болған. Қаза тапқан азаматтың денесі екі күннен кейін, 17 маусымда Қазақстанға жеткізілді.
«Қазақстан Республикасының Анталиядағы Бас консулдығы құжаттарды рәсімдеу, құзырлы органдарымен өзара іс-қимыл жасау және марқұмның денесін елге қайтаруды ұйымдастыруды қоса алғанда, барлық қажетті консулдық-құқықтық көмекті көрсетті. Мәйітті репатриациялау жұмыс беруші мен серіктес ұйымдардың қолдауымен тегін ұйымдастырылды», – деп хабарлады министрліктен.
СІМ мәліметінше, оқиғаның мән-жайы Қазақстанның Анталиядағы Бас консулдығының бақылауында. Қазақстандық дипломаттар бұл мәселе бойынша Түркияның құзырлы органдарымен өзара байланыстарын жалғастыруды.
«Қазақстан Республикасының Сыртқы істер министрлігі 2026 жылдың 15 маусымында Анталияда болған жол-көлік оқиғасы салдарынан қаза тапқан Қазақстан азаматы Әдия Алмабектің туған-туыстары мен жақындарына көңіл айтады», – делінген хабарламада.
Бұқаралық ақпарат құралдарының мәліметінше, жерлесіміз Түркияда өндірістік тәжірибеден өтіп, жергілікті қонақүйлердің бірінде жұмыс істеген.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қарағанды облысының төрт ауданын дала өрті шарпыды
Сурет: Қарағанды облысының әкімдігі
Қарағанды облысының Шет, Ақтоғай, Бұқар жырау және Қарқаралы аудандарында дала өрті тіркелді. Өртпен күресуге және елді мекендерді қорғауға 620 адам және 134 техника жұмылдырылды, деп хабарлайды облыс әкімдігінің баспасөз қызметінен.
Жағдай қатты соққан жел салдарынан қиындап отыр. Қарқаралы ауданында 1989 және 1970 жылдары туған екі ер адамды күйік шалды. Бір зардап шегушінің денесінің 10%-ын, екіншісінің 20%-ын күйік шалған. Екеуі де ауруханада жатыр, жағдайлары тұрақты.
Жаңатоған ауылының маңында әуеден барлау жұмыстары жүргізілді. Жаңа өрт ошақтары анықталған жоқ, елді мекенге қауіп төніп тұрған жоқ. Оқиға орнында 159 адам мен 52 техникадан тұратын екі топ — жұмыс істеуде.
Сонымен қатар, Бесоба ауылының маңындағы қыстақтарда болған үш өрт ошағы, Ақтоғай және Шет аудандарындағы табиғи өрттер толығымен жойылды. Ондағы жағдай тұрақты әрі бақылауда.
«Аптап ыстық пен қатты соққан жел салдарынан дала өртінің қаупі әлі де сақталып отыр. Бақылау тұрақты болуы керек, жергілікті әкімдіктер Төтенше жағдайлар департаментімен тығыз байланыста жұмыс істеуі қажет», — деді Қарағанды облысының әкімі Ермағанбет Бөлекпаев.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматы мен Алматы облысының тұрғындары жарықсыз қалды
Қазақстанның ұлттық электр желісі операторы KEGOC-тың электр беру желілерінің апаттық ажыратылуына байланысты Алматы қаласы мен Алматы облысының бірнеше ауданында жарық өшті, деп хабарлайды агенттік тілшісі.
«KEGOC» АҚ-ға тиесілі кернеуі 500 кВ Л-5400, Л-5300 және Л-5320 әуе электр беру желілерінің апаттық ажыратылуы салдарынан «Алатау Жарық Компаниясы» АҚ желілерінде апатқа қарсы автоматика іске қосылды», — деп түсіндірді АЖК.
Мекемінің мәлімдеуінше, ажыратылған жүктеме көлемі 300 МВт-ты құрады.
Алматы облысының он ауданында — Жамбыл, Балқаш, Есік, Қарасай, Шелек, Райымбек, Ұйғыр, Іле, Кеген және Талғар аудандарында электр жарығы өшті.
Алматыда электр қуатының өшуі Бостандық, Наурызбай, Әуезов және Алатау аудандарын қамтыды.
Сондай-ақ, Kazakhstan Today оқырмандары Алматының Түрксіб және Медеу аудандарында да электр қуаты өшкенін хабарлады.
Агенттік журналистері түсініктеме алу үшін KEGOC компаниясына сұрау салды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматыда жоғары дәрежелі шақыру бойынша өрт сөндіріліп жатыр
Алматыда өрт сөндірушілер шақырудың жоғары дәрежесі бойынша өртті сөндіріп жатыр, деп хабарлайды қалалық Төтенше жағдайлар департаменті.
Алдын ала мәлімет бойынша, өрт қаланың Жетісу ауданындағы Тобаяқов көшесінде орналасқан қоймада шыққан.
Оқиға орнында жедел штаб құрылды. Өртті оқшаулау және жалынның таралуына жол бермеу үшін бірнеше өрт сөндіру учаскесі ұйымдастырылды.
Өрттің аумағы мен зардап шеккендер туралы ақпарат әзірге хабарланған жоқ.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматыда жер сілкінді
12 тамыз күні Алматыда жерасты дүмпулері тіркелді, деп хабарлайды ҚР Төтенше жағдайлар министрлігі.
Қала тұрғындары да әлеуметтік желілерде жер сілкінісін сезгендерін жазуда.
Кейінірек ТЖМ Астана уақыты бойынша сағат 12:14-те күші 2 балдық жерасты дүмпулері тіркелгенін нақтылады.
Зардап шеккендер мен қираулар туралы мәлімет түскен жоқ.
Еуропа-Жерорта теңізі сейсмологиялық орталығының мәліметінше, магнитудасы 5,1 болатын жер сілкінісінің эпицентрі Қырғызстан аумағында орналасқан.
Естеріңізге сала кетсек, 10 тамызда Колумбияда магнитудасы 7,4 болатын күшті жер сілкінісі болып, 130-дан астам адам қаза тапқан болатын.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстанның екі өңірінде аптап ыстық салдарынан орман өрті шықты
Сурет: gov.kz
Аптап ыстық салдарынан Солтүстік Қазақстан және Алматы облыстарында үш орман өрті тіркелді, деп хабарлайды ҚР Экология және табиғи ресурстар министрлігінің баспасөз қызметінен.
"Қабылданған жедел шаралардың нәтижесінде барлық өрт қысқа мерзімде толық сөндірілді", - делінген хабарламада.
Министрліктің мәліметінше, өртті сөндіруге РМҚК "Қазавиаорманқорғау" кәсіпорнының әуе өрт сөндіру десантшылары, сондай-ақ мемлекеттік орман күзетінің күштері мен құралдары жұмылдырылды.
"Елімізде аптап ыстық пен найзағайлы фронттардың сақталуына байланысты өрт қаупі жоғары деңгейде қалып отыр. Осыған байланысты мемлекеттік орман күзеті мен РМҚК "Қазавиаорманқорғау" күштері күшейтілген режимде жұмыс істеуде. Әуе және жерүсті патрульдеу жұмыстары үздіксіз жүргізілуде",- деп мәлім етті мекемеден.
Бұған дейін "Семей орманы" аумағында екі орман өрті шыққан болатын.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.