Бангкоктағы бардағы өрттен 27 адам қаза тауып, 60-тан астамы зардап шекті
Өрт түнде шыққан
Бангкоктағы барда шыққан өрт салдарынан 27 адам қаза тауып, 60-тан астам адам жарақат алды, деп хабарлайды РИА Новости.
БАҚ мәліметінше, өрт жергілікті уақыт бойынша дүйсенбі күні түн ортасында басталған.
Таиландтың Премьер-министрі Анутин Чанвиракулдың мәлімдеуінше, зардап шеккендердің бірқатары ауруханаға жеткізілген. Оның айтуынша, өрттің шығу себептерін анықтау үшін тергеу жүргізіліп жатыр.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Индонезияда болған жер сілкінісінен 50-ден астам адам қаза тапты
Сурет: Basarnas / Handout/Anadolu via Getty Images
Индонезияда болған жер сілкінісі салдарынан кемінде 54 адам қаза тауып, тағы 135 адам жарақат алды.
Табиғи апатқа байланысты 5 мыңға жуық тұрғын үйін тастап кетуге мәжбүр болды. Қолда бар мәлімет бойынша, 1,3 мыңнан астам тұрғын үй зақымданған.
Негізгі жер сілкінісінен кейін мамандар мыңға жуық қайталама жерасты дүмпуінің тіркелгенін млімдеді. Зардап шеккен аудандарда көшкін түсіп, құлаған ағаштар жолдарды бөгеп қалуына байланысты жағдай қиындатып отыр. Кейбір елді мекендер әлі де сыртқы әлемнен оқшау қалып отыр.
Құтқару және қалпына келтіру жұмыстарын жүргізу үшін билік зардап шеккен аудандарға 3,5 мыңнан астам әскери және полиция қызметкерлерін жіберген.
Индонезия билігі 14 күн мерзімге төтенше жағдай режимін жариялады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Германияда аптап ыстықтан 12 мыңнан астам адам қайтыс болды
Сурет: Depositphotos
Германияда биылғы аптап ыстық шамамен 12 500 адамның мезгілсіз өліміне себеп болды, деп хабарлайды Kazinform.
Роберт Кох институтының (RKI) есебіне сәйкес, аптап ыстық егде жастағы адамдарға қатты әсер еткен. Ыстықтан көз жұмғандардың басым бөлігі - 85 жастан асқан адамдар. Осы жас тобында шамамен 6300 өлім тіркелген.
"12 500 өлімнің шамамен 9600-і маусым айының соңындағы ерекше ыстық кезеңге тиесілі",- деп жазады ақпарат агенттігі.
2026 жылы ең жоғары температура маусымның екінші жартысында тіркеліп, Германияның көптеген өңірінде ауа температурасы 40°C-қа дейін көтерілді.
Ыстыққа байланысты өлім-жітімнің ұлттық орташа көрсеткіші 100 мың тұрғынға шаққанда 15 жағдайды құрады.
2026 жылғы маусым мен шілде айларында Батыс Еуропада ауа температурасы рекордтық деңгейге көтеріліп, орташа температура 21,62°C болды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қытай «Дельфин» тайфунының салдарымен күресуде
Сурет: Бейнежазбадан скриншот
Қытайда "Дельфин" тайфуны соғып, су басу қаупі туындауына байланысты 300 мыңнан астам адам эвакуацияланып, инфрақұрылым жұмыстарының бұзылуда. Шанхайдың өзінде 1,3 мыңнан астам әуе рейсі тоқтатылды, деп хабарлайды inbusiness.kz.
Тайфун Чжэцзян провинциясының жағалауына жетіп, нөсер жаңбыр мен дауылды жел соққан. Су тұрғын үйлерді басып, зардап шеккен аудандарда төтенше жағдайлар қызметтері жұмыс істеп жатыр. Билік дауыл қаупінің ең жоғары деңгейін жариялап, паром қатынасын тоқтатты және де Янцзы өзенінің атырауындағы пойыз қозғалысы да шектелді.
Құрлыққа жеткен "Дельфин" тайфуның екпіні бәсеңдесе де жаңа су тасқыны мен көшкін болуы мүмкін деген қауіп әлі де сақталуде. Аньхой, Цзянсу және Шаньдун провинцияларында нөсер жауын жауады деп күтіледі.
Табиғи апаттың салдары көршілес аумақтарға да әсер етті. Тайваньда жаңбыр жауып, Филиппинде муссондық жауын-шашын күшейген. Онда да .йлерді су басып, көшкіндер болғаны хабарланды.
Эвакуацияның ауқымы, көлік қозғалысындағы іркілістер және су басқан аудандардағы бүлінулер табиғи апаттың Шығыс Қытай экономикасы мен инфрақұрылымына айтарлықтай зардап келтіргенін көрсетеді. Алайда шығынның түпкілікті көлемі әзірге хабарланған жоқ.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Колумбиядағы жер сілкінісінен қаза тапқандар саны 132-ге жетті
Сурет: Gabriel Aponte/Getty Images
10 тамыз күні таңертең Колумбияның батысында магнитудасы 7,4 болатын жойқын жер сілкінісі болды. CNN-нің соңғы мәліметтеріне сүйенсек, кемінде 132 адам қаза тауып, 570 адам зардап шеккен. 1,5 мыңнан астам үйге зақым келіп, ондаған ғимарат қирады.
Елде ұлттық деңгейдегі төтенше жағдай жарияланды, деп хабарлайды РБК.
Колумбия Президенті Абелардо де ла Эсприэлья төтенше жағдайлар қызметінің жұмысын жеке бақылауына алып, құтқару жұмыстарын үйлестіру үшін Боготаға келді.
"Сіздер жалғыз емессіздер. Сіздерде өз халқына бейжай қарамайтын президент бар және ол сіздерді қорғау үшін қолдан келгеннің бәрін жасайды", - деп жазды мемлекет басшысы X әлеуметтік желісінде.
Жер сілкінісінің кіндігі Сан-Хосе-дель-Пальмар елді мекеніне жақын жерде орналасқан. Жерасты дүмпуінің ошағы шамамен 110 шақырым тереңдікте болған. Дүмпулер Кали, Перейра, Манисалес, Богота және басқа да қалаларда сезілді.
Ақпарат көздерінің мәлімдеуінше, елдің ең ірі қалаларының бірі Кали айтарлықтай зардап шекті. Қала әкімі Алехандро Эдердің айтуынша, онда кемінде 30 ғимарат қираған. Үйінділердің астында адамдар қалуы мүмкін.
Жер сілкінісі жергілікті уақыт бойынша сағат 07:34-те болған. Кейіннен Кали, Перейра, Манисалес, Кибдо, Армения, Картаго және Буэнавентура қалаларындағы әуежайлардың жұмысы уақытша тоқтатылды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Тоқаев Жапонияның премьер-министріне көңіл айтты
"Президент Жапонияның Кумамото префектурасында болған жойқын жер сілкінісі салдарынан көптеген азаматтың қаза табуына байланысты Премьер-министр Санаэ Такаичиге, жақындарынан айырылған отбасыларға және Жапония халқына көңіл айтты, деп хабарлайды Ақорданың баспасөз қызметінен.
"Қасым-Жомарт Тоқаев қайтыс болған жандардың туыстарының сабырға келуіне, жарақат алған адамдардың тез арада сауығып кетуіне тілектестігін білдірді",- деп айтылған хабарламада.
Естеріңізге сала кетсек, Жапонияның Кюсю аралында магнитудасы 7,1 болатын жер сілкінісі болып, осыдан кейін билік Ариакэ шығанағы мен Яцусиро теңізі жағалауына цунами қаупі туралы ескерту жарияланған болатын. Жер сілкінісінің ошағы шамамен 10 шақырым тереңдікте орналасқан.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.