КСИР Иорданиядағы ұшқышсыз ұшу аппараттары базасының жойылғанын мәлімдеді
Ханзада Хасан әскери әуе базасындағы басқару орталығы мен MQ-9 ұшқышсыз ұшу аппараттарына арналған ангарлардың жойылған
Иранның Ислам революциясы сақшылар корпусы (КСИР) Иорданиядағы ханзада Хасан әскери әуе базасында орналасқан басқару орталығы мен MQ-9 ұшқышсыз ұшу аппараттарына арналған ангарлардың жойылғанын мәлімдеді, деп хабарлайды Синьхуа агенттігі.
Естеріңізге сала кетсе, 18 маусымда жарияланған бітімге қарамастан, АҚШ әскері Иран аумағына бірқатар соққы жасағаннан кейін Таяу Шығыстағы жағдай қайта шиеленісті. АҚШ Қарулы күштерінің Орталық қолбасшылығы бұл әрекеттер Иранның Ормуз бұғазы арқылы өткен коммерциялық кемелерге қарсы іс-қимылына жауап ретінде жасалғанын мәлімдеді.
Бұған жауап ретінде Иран әскері АҚШ ел аумағына қайта соққы жасайтын болса, Таяу Шығыстағы барлық америкалық әскери базаларға шабуыл жасауға дайын екенін хабарлады. Сонымен қатар, Иран қарулы күштері Бахрейндегі Шейх-Иса әскери базасына соққы жасағанын мәлімдеді. Бұған дейін КСИР Кувейттегі Әли әс-Салем базасына және АҚШ-тың Бесінші флотының жауапкершілік аймағына кіретін Бахрейндегі Салман портына шабуыл жасалғанын хабарлаған болатын.
Бүгін КСИР АҚШ өңірдегі араласуын тоқтатқанға дейін Ормуз бұғазы толық жабық болатынын мәлімдеді.
Сондай-ақ, Иран Иордания, Кувейт, Бахрейн, Катар және Омандағы америкалық әскери нысандарға жасалған соққылар АҚШ-тың Иран аумағына жасаған соңғы соққыларына жауап ретіндегі жасалған соққылармекендігін хабарлады.
Таяу Шығыстағы жағдайдың шиеленісуіне байланысты қазақстандық Air Astana әуе компаниясы Біріккен Араб Әмірліктеріне рейстерін уақытша тоқтатқан болатын.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Тоқаев Жапонияның премьер-министріне көңіл айтты
"Президент Жапонияның Кумамото префектурасында болған жойқын жер сілкінісі салдарынан көптеген азаматтың қаза табуына байланысты Премьер-министр Санаэ Такаичиге, жақындарынан айырылған отбасыларға және Жапония халқына көңіл айтты, деп хабарлайды Ақорданың баспасөз қызметінен.
"Қасым-Жомарт Тоқаев қайтыс болған жандардың туыстарының сабырға келуіне, жарақат алған адамдардың тез арада сауығып кетуіне тілектестігін білдірді",- деп айтылған хабарламада.
Естеріңізге сала кетсек, Жапонияның Кюсю аралында магнитудасы 7,1 болатын жер сілкінісі болып, осыдан кейін билік Ариакэ шығанағы мен Яцусиро теңізі жағалауына цунами қаупі туралы ескерту жарияланған болатын. Жер сілкінісінің ошағы шамамен 10 шақырым тереңдікте орналасқан.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Жапонияда жойқын жер сілкінісі болып, цунами болады деген қауіп туындауда
Жапонияның Кюсю аралында магнитудасы 7,1 болатын жер сілкінісі болды. Осыдан кейін билік Ариакэ шығанағы мен Яцусиро теңізі жағалауына цунами қаупінің туындауы туралы ескерту жариялады, деп хабарлайды агенттік тілшісі.
Жер сілкінісінің ошағы шамамен 10 шақырым тереңдікте орналасқан. Цунамидің болуы мүмкін деген қауіп туралы ескерту Ариакэ шығанағы мен Яцусиро теңізінің жағалауына қатысты жарияланды.
"NOW: M7.1 Earthquake Near Uki, Japan#terremoto #地震 pic.twitter.com/nW2V9kGWkO
— Noteworthy News (@newsnoteworthy) July 28, 2026
Желілерде жарияланған кадрларда жер сілкінісі кезінде теміржол вокзалындағы жарық бағандарының және перрон үстіндегі шатырдың қатты шайқалғаны көруге болады.
"A 7.1-magnitude earthquake strikes Japan’s Kyushu Island, triggering a tsunami warning. pic.twitter.com/CAzdKNlhgo
— RussiaNews ru (@mog_russEN) July 28, 2026
Бұған дейін Дүниежүзілік денсаулық сақтау ұйымы (ДДҰ) тұрғындарды жер сілкіністеріне алдын ала дайындалуға шақырып, дәл осы табиғи апаттардың ең көп адам шығынына әкелетінін атап өткен болатын. Сарапшылар әсіресе Орталық Азияның, соның ішінде Қазақстанның сейсмикалық қауіпті өңірлеріне ерекше назар аударып отыр.
Сондай-ақ, Қазақстанның сейсмикалық қауіпті елдердің қатарына жататынын атап өткен жөн. Жер сілкінісі қаупі ең жоғары аймақтар қатарында Алматы қаласы, Алматы, Жетісу, Жамбыл, Түркістан және Шығыс Қазақстан облыстары жатады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.