АСТАНА. 11-қыркүйек. Kazakhstan Today. 11-қыркүйектегі қайғылы оқиға құрбандарын еске алу арқылы Қазақстан өзінің АҚШ халқымен бірге екенін паш етеді. Бұл туралы бүгін журналистерге арнап өткізілген қысқаша баспасөз мәслихатында ҚР СІМ-нің ресми өкілі Ержан Ашықбаев мәлімдеді,- деп хабарлайды Kazakhstan Today тілшісі.
"Бүгін біз американ халқымен бірге екенімізді , халықаралық қоғамдастықпен бірлесе жер бетіндегі тұрақтылық пен қауіпсіздікке төнген қауіп-қатерлермен күресе беруге бекем бел буғанымызды растаймыз",- деді Е.Ашықбаев.
"Біз ешбір жазығы жоқ мыңдаған құрбандарды еске аламыз. АҚШ халқы мен жалпы адамзат әлемінің басына түскен бұл зұлмат қазіргі таңда өркениетті қоғамның шаңырағын шайқалтатын үлкен қатерге айналған лаңкестіктің қиратқыш күш-қуатын көрсетіп берді",- деді СІМ өкілі.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
11-қыркүйектегі қайғылы оқиға құрбандарын еске алу арқылы Қазақстан өзінің АҚШ халқымен бірге екенін паш етеді
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.