АСТАНА. 8-қыркүйек. Kazakhstan Today. Орталық сайлау комиссиясы 2007-жылы мәслихат депутаттарының сайлауында учаскелердің 20 процентінде автоматтандырылған сайлау жүйесін пайдалануды межелеп отыр, деп хабарлайды Kazakhstan Today тілшісі.
"2007-жылдың күзінде өтетін мәслихат депутаттарының кезекті жалпы сайлауында біз учаскелердің 20 процентінде автоматтандырылған сайлау жүйесін пайдалануды жоспарладық",- деді бүгін өткен баспасөз мәслихатында Орталық сайлау комиссиясының төрағасы Оңалсын Жұмабеков.
Конституцияға сәйкес, мәслихаттарды тұрғындар жалпыхалықтық тікелей әрі тең сайлау құқығының негізінде құпия дауыс беру арқылы төрт жыл мерзіммен сайлайды. Мәслихат депутаттарының сайлауы елімізде 2003-жылдың күзінде өткен.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
2007-жылы мәслихат депутаттарының сайлауында сайлау учаскелерінің 20 процентінде автоматтандырылған сайлау жүйесі пайдаланылады
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.