2013 жылдың маусым айына Қазақстан-Қырғыз үкіметаралық Кеңесінің отырысы белгіленген
"Осы жылдың маусым айында Қазақстан мен Қырғызстан арасында үкіметаралық кеңестің отырысы өтеді, оған біздің Премьер-Министр қатысады. Оған дейін біздің екіжақты комиссияның отырысы өтеді", - деді Е.Ыдрысов.
Астана. 12-сәуір. Kazakhstan Today - Қазақстан-Қырғыз үкіметаралық Кеңесінің отырысы ағымдағы жылдың маусымында өтеді, деп хабарлайды Kazakhstan Today агенттігінің тілшісі.
Бұл туралы ҚР СІМ басшысы Ерлан Ыдрысов Қырғыз Республикасының сыртқы саясат ведомствосының басшысы Ерлан Ибділдаевпен кездесу барысында мәлім етті.
"Осы жылдың маусым айында Қазақстан мен Қырғызстан арасында үкіметаралық кеңестің отырысы өтеді, оған біздің Премьер-Министр қатысады. Оған дейін біздің екіжақты комиссияның отырысы өтеді", - деді Е.Ыдрысов.
Министр атап өткендей, бүгінгі кездесуде екі жақ республикалардың өңірлік және жаһандық жоспардағы көп жақты ынтымақтастығын талқылады.
"Алда Қырғыз Республикасының президенті Қазақстанға мемлекеттік сапармен келеді. Осы жылы Қазақстанда Қырғызстанның мәдениет күндері өтеді. Өздеріңіз де білесіздер, осы жылы ұлы жазушы Шыңғыс Айтыматовтың 85-жылдығы атап өтіледі, бұл біздің қарым-қатынасымыздың әр алуандығын көрсетеді және Қазақстан мен Қырғызстан әрқашан бір-бірінің жанында болады", - деп аяқтады өз сөзін Е.Ыдрысов
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.