5 қыркүйекте Литва Республикасының сыртқы істер министрі Астанаға жұмыс сапарымен келеді
5 қыркүйекте Литва Республикасының сыртқы істер министрі Петрас Вайтекунас Астанаға жұмыс сапарымен келеді.
"ҚАЗАҚСТАН БҮГІН". 3-қыркүйек. АСТАНА. 5 қыркүйекте Литва Республикасының сыртқы істер министрі Петрас Вайтекунас Астанаға жұмыс сапарымен келеді, деп хаббарлайды агенттік тілшісі.
Бүгін журналистерге арнап өткізілген қысқаша баспасөз мәслихатында ҚР СІМ-нің ресми өкілі Ержан Ашықбаев құлағдар еткеніндей, "кездесу барысында тараптар екі жақты Қазақстан-Литва ынтымақтастығының энергетика, сауда-экономикалық, инвестициялық және мәдени-гуманитарлық салалардағы перспективалары мен қазіргі ахуалы жөнінде, сондай-ақ халықаралық саясаттағы өзекті мәселелерді талқылайды".
Тараптар сондай-ақ, 17-18 қыркүйекте Астана қаласында өтетін сауда-экономикалық ынтымақтастық жөніндегі Қазақстан-Литва үкіметаралық комиссиясының кезекті үшінші отырысы жөнінде пікір алмасады.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.