8 желтоқсанда Астанада қазақстан-қытай ынтымақтастық жөніндегі комитетінің 6-шы отырысы өтті - баспасөз баяны
Отырыс барысында тараптар ынтымақтастық, энергетика, геология және жерасты байлықтары, көлік, қаржы, сауда-экономикалық, ғылыми-техникалық және мәдени-гуманитарлық салалардағы мәселелерін қарастырды.
2012 жылғы 8 желтоқсанда ҚР Премьер-Министрінің Орынбасары Қайрат Келімбетовтың және ҚХР Мемлекеттік кеңесінің Вице-премьері Ван Цишанның төрағалығымен қазақстан-қытай ынтымақтастық жөніндегі комитетінің 6-шы отырысы болып өтті.
Отырыс барысында тараптар ынтымақтастық, энергетика, геология және жерасты байлықтары, көлік, қаржы, сауда-экономикалық, ғылыми-техникалық және мәдени-гуманитарлық салалардағы мәселелерін қарастырды.
Қазақстан-қытай ынтымақтастық жөніндегі комитетінің құрамына 10 кіші комитеттер мен қазақстан-қытай трансшекаралық өзендерін қолдану мен қорғау бойынша Біріккен комиссиясы кіреді. Комитеттің отырыстары екі жылда бір рет өткізіледі.
Өткен отырыстың соңында қорытынды Хаттамаға қол қойылды. Тараптар екіжақты ынтымақтастық жөніндегі комитетінің 7-шы отырысын Бейжің қаласында өткізуге келісті, нақты уақыты дипломатиялық арналар арқылы келісілетін болады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.