Абхазия мен Оңтүстік Осетия Ресей мен Беларусь одағына мүшелікке өтпекші
Абхазия мен Оңтүстік Осетия Ресей мен Беларусь одағына мүшелікке өтпекші
Мәскеу. 15 шілде. "Қазақстан Бүгін" - Абхазия мен Оңтүстік Осетия Ресей мен Беларусь одағына мүшелікке өтпекші, деп хабарлайды агенттік тілшісі Ресейдің "Независимая газетасына" сілтеме жасап.
Ресей мен Беларусь одағының мемлекеттік хатшысының баспасөз қызметінің басшысы Иван Макушок журналистерге жасаған мәлімдемесінде мойындалмаған Абхазия мен Оңтүстік Осетия республикаларының бірігуі химера болып табылмайтынын атап көрсетті. "Жуырда Абхазия сыртқы істер министрі Сергей Шамба біздің "Союзное государство" атты басылымымызға берген сұхбатында Сухумидің Одақ құру барысын қызығушылықпен қадағалап отырғанын, бірігу мүмкіндігін қарастырып жатқанын, кезінде Абхазияның КСРО-ның ыдырағанын мүлдем қаламағанын жеткізді", - деді И. Макушок.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.