АСТАНА. 15-қыркүйек. Kazakhstan Today. Бейсенбі күні Қазақстан Республикасының адам құқықтары жөніндегі уәкілі Болат Байқадамов Еуропа кеңесі Парламенттік ассамблеясының төрағасы Рене ван дер Линден мырзамен және оның көмекшісі Дэвид Милнер мырзамен кездесті, деп хабарлайды Kazakhstan Today омбудсменнің баспасөз қызметіне сілтеме жасап.
Еуропа кеңесі Парламенттік ассамблеясының төрағасын Қазақстандағы адам құқықтары жөніндегі уәкілдің құқықтық жағдайына байланысты мәселелер, атап айтқанда, оны тағайындау рәсімі, мәртебесі, өкілеттігі, мемлекеттік органдармен қарым-қатынасы қызықтырды. Еуропа парламентінің басшысы омбудсменнің Еуропа Кеңесімен өзара ынтымақтастығына ерекше қызығушылық білдірді.
Б.Байқадамов омбудсменнің қазақстандық моделі туралы айтып берді. Төрт жылғы қызметі барысында Адам құқықтары жөніндегі уәкіл мекемесі мемлекеттің құқықтық жүйесінде өз орнын алды.
Омбудсменнің адам құқығын қорғау саласындағы Еуропалық тәжірибені ерекше атап өтті, сондай-ақ Еуропа кеңесімен жүйелі байланыстарды дамытуға мүдделілік білдірді. "Біз Еуропаның құқық қорғау стандарттарына қосылғымыз келеді", - деп атап көрсетті Б.Байқадамов. Оның айтуынша, парламенттік ассамблея өзінің құрылымдарына қазақстандық құқық қорғау мекемелерімен қатынас орнатуды ұсынып, соңғыларға адам құқықтары саласындағы проблемаларды талқылауға қатысуға мүмкіндік берсе жақсы болар еді.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Адам құқықтары жөніндегі уәкіл Еуропа Кеңесі парламетнтік ассамблеясының жетекшісіне құқық қорғау институтның жұмысын таныстырды
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.