АЛМАТЫ. 25-қыркүйек. Kazakhstan Today. Қазақстанның "Ақ жол" демократиялық партиясының сьезі 2004-жылғы мәжіліс сайлауында партия жеңіп алған депутаттық мандатты іске қосуға шешім қабылдады. Бұл туралы партия жетекшісі Илихан Бәйменов бүгін Алматыда өткен баспасөз мәслихатында құлағдар етті, деп хабарлайды Kazakhstan Today тілшісі.
"Партияның сьезі қалған үш жылда партияның мандатын пайдалану қажет деген принциптік шешімге келді",- деді И.Бәйменов.
Сонымен бірге "Ақ жол" партиясының жетекшісі партияның орталық аппараты мандатты пайдалану туралы Орталық сайлау комиссиясымен тиісті консультациялар өткізеді. "Осындай жұмыстардан кейін заңнамаға сәйкес партиялық тізім қалпына келтіріліп, мандатты пайдалану мүмкіндігі пайда болады",- деді И.Бәйменов.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
"Ақ жол" демократиялық партиясының сьезі 2004-жылғы мәжіліс сайлауында партия жеңіп алған депутаттық мандатты іске қосуға шешім қабылдады
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.