"АҚ ЖОЛ, ҚАЗАҚСТАН!" республикалық сайлауалды автошеруі басталды
"30 желтоқсан күні сағат 12.00-де Қазақстанның "АҚ ЖОЛ" демократиялық партиясының Орталық кеңсесінен "АҚ ЖОЛ, ҚАЗАҚСТАН!" республикалық сайлауалды автошеруі бастау алды", деп хабарлады Қазақстанның "АҚ ЖОЛ" демократиялық партиясының баспасөз қызметі.
Астана. 30-желтоқсан. Kazakhstan Today - "АҚ ЖОЛ, ҚАЗАҚСТАН!" республикалық сайлауалды автошеруі басталды, деп хабарлайды Kazakhstan Today агенттігінің тілшісі.
"30 желтоқсан күні сағат 12.00-де Қазақстанның "АҚ ЖОЛ" демократиялық партиясының Орталық кеңсесінен "АҚ ЖОЛ, ҚАЗАҚСТАН!" республикалық сайлауалды автошеруі бастау алды. Автошеруге партия белсенділері, партияның жастар қанаты, мобильдік үгіт-насихат топтары қатысуда. Шара маршруты Ақмола облысынан басталып, Қазақстанның барлық аймақтарын қамтиды және 2012 жылдың 11 қаңтарында өз мәресіне жетпек. Авто-шеру еліміздің барлық елдімекендерінде үгіт-насихат жұмыстарын жүргізу, партияның сайлауалды тұғырнамасын түсіндіру мақсатында ұйымдастырылып отыр", деп хабарлады Қазақстанның "АҚ ЖОЛ" демократиялық партиясының баспасөз қызметі.
Баспасөз қызметінің мәліметтеріне сүйенсек, үгіт-насихат тобы партияның сайлауалды тұғырнамасындағы басты бағыттарға ерекше көңіл бөлінетін болады:
- Жұмыссыздықты азайтуға, әлеуметтік әділеттілік және халықтың табысын арттыруға;
- Қолжетімді тұрғын үй сұрағына, соның ішінде жастар үшін;
- Қазіргі заманғы сапалы білім беру мен медициналық қызмет көрсету сұрақтарына;
- Бизнестің дамуы үшін қолайлы жағдайлар туғызуға;
- Биліктің қоғам алдындағы ашықтығы және есеп беруіне.
"Партия белсенділері сайлаушыларды алдағы сайлауға белсенді қатысуға және өз дауыстарын "АҚ ЖОЛ" партиясына беруге шақыратын болады", - деп атап өтті баспасөз қызметіндегілер.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.