"Ақ жол" партиясы Жаңаөзендегі оқиғаларды тексеру бойынша құрылған Мемлекеттік Комиссияның құрамына өз өкілдерін қосуға дайын
Бүгінгі "Ақ жол" партиясы басшылығының ұлттық-патриоттық бірлестіктермен өткен кездесуінде, "Ұлы дала" қозғалысының төрағасы Айдос Сарым Өмірзақ Шөкеевтің жетекшілігімен Жаңаөзендегі оқиғаларды тексеруші Мемлекеттік Комиссияның құрамына оның жұмысының ашықтығын қамтамасыз ету мақсатында қоғам өкілдерін қосуды ұсынды.
Астана. 19-желтоқсан. Kazakhstan Today - "Ақ жол" партиясы Жаңаөзендегі оқиғаларды тексеру бойынша құрылған Мемлекеттік Комиссияның құрамына өз өкілдерін қосуға дайын, деп хабарлайды Kazakhstan Today агенттігінің тілшісі.
Бүгінгі "Ақ жол" партиясы басшылығының ұлттық-патриоттық бірлестіктермен өткен кездесуінде, "Ұлы дала" қозғалысының төрағасы Айдос Сарым Өмірзақ Шөкеевтің жетекшілігімен Жаңаөзендегі оқиғаларды тексеруші Мемлекеттік Комиссияның құрамына оның жұмысының ашықтығын қамтамасыз ету мақсатында қоғам өкілдерін қосуды ұсынды.
"Ақ жол" ҚДП төрағасы Азат Перуашев аталмыш комиссияны құру кезінде Мемлекет басшысының "...ақпараттың мейлінше ашықтығын қамтамасыз етуді, қорытындысы туралы халыққа хабарлауды, қажет болған жағдайда тәуелсіз сарапшыларды қатыстыруды" тапсырғандығын атап өтті.
Осы орайда партия төрағасы белгіленген тәртіп бойынша Комиссияның жұмысына қатысу үшін өз өкілдерін жіберуге дайын екендігін айтты.
Желтоқсанның 17-сіне қараған түні қабылданған "Ақ жол" партиясының Мәлімдемесінде "Партия осы оқиғаға орай атқарушы органдардың іс-әрекетіне баға беруді қоса алғанда, оған тиісті дәрежеде құқықтық және саяси баға бере отырып, әділ әрі жан-жақты тексеру жүргізуін талап етеміз" деп атап көрсетілген.
Қоғам болған жайлар, оның шынайы себептері және ұйымдастырушылары туралы, тіпті ұйымдастырушылар Қазақстанның шегінен тыс жерлерде жүрген болса да, толық ақпарат алуға тиіс".
Осыған орай, "Ақ жолдағылардың" пікірінше, ҚДП-ның беделді мүшелері қатарынан тәуелсіз сарапшыларды тарту Мемлекеттік комиссия жұмысының қоғам үшін шынайылығын, оның ашықтығын және транспаренттілігін қамтамасыз етеді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.