АСТАНА. 26-желтоқсан. Kazakhstan Today. Қазақстанның "Ақ жол" және "Иділет" саяси партиялары ынтымақтастық туралы келісім шарт жасасты, деп хабарлайды Kazakhstan Today тілшісі.
"Біз "Иділет" партиясымен бірінші кезекте саяси жүйені демократияландыру үшін, сонымен қатар әлеуметтік-экономикалық өзекті мәселелердің шешімін табу үшін күш біріктіргелі отырмыз",- деп хабарлама жасады бүгінгі баспасөз мәслихатында сөз алған "Ақ жол" партиясының көшбасшысы Илихан Байменов.
"Екі саяси партияның жетекшілері қол қойған ынтымақтастық туралы келісім шарт республикамыздың қоғамдық-саяси өмірі жөніндегі мәселелерде бірігіп заң жобалар мен заңдық актілерді, мемлекеттік бағдарламалар мен тұжырымдамалар әзірлеуде, сонымен қатар бірлесе отырып өтініштер, үндеулер, мемарандумдар және басқа да құжаттар қабылдауда екі жақтың ынтымақтасуын қарастырған", - делінген баспасөз баянында. "Сонымен қатар, халық пен екі партияның мүшелерінің саяси-құқықтық және әлеуметтік-экономикалық білімін тереңдету мақсатында екі жақ бірлескен ғылыми-тәжірибелік конференциялар, дөңгелек үстелдер, семинарлар мен басқа да форумдар өткізбек", - деп көрсетілген құжатта.
Баспасөз баянында атап көрсетілгендей, келісім шартта жуық арада бірлескен акциялар мен іс-шаралар өткізу қарастырылған. Мысалы, 2007 жылдың басында Жер кодексінің қолданысқа енгізілуіне байланысты туындаған өзекті мәселелерді талқылауға арналған ғылыми-тәжірибелік конференция өткізу, "ҚР мұғалімдердің, дәрігерлердің және басқа да бюджеттік ұйымдардың қызметкерлерінің мәртебесі туралы" заң жобасын жасау жөнінде бастама көтеру және оны бірлесіп әзірлеу жоспарланған. Сонымен қатар, партиялар азаматтардың құқықтарын, шағын және орта бизнесті қорғауға, сонымен қатар сыбайлас жемқорлыққа қарсы күрес жүргізуге бағытталған "Ақиқат" қоғамдық құқық қорғау қорын құруды жоспарлап отыр.
"Ынтымақтастық туралы келісім шартта "Ақ жол" және "Иділет" саяси партияларының қоғамды демократияландыру, саяси реформаларға қайта айналмайтын өзгерістер сипатын беру, сондай-ақ, еліміздегі саяси, әлеуметтік және экономикалық проблемаларды конструктивті жолмен шешу арқылы саяси жүйені жетілдіре түсуді ортақ мақсаты деп санайтындығы атап көрсетілген",- делінген баспасөз баянында.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
"Ақ жол" және "Иділет" саяси партиялары ынтымақтастық туралы келісім шарт жасасты
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.