Ақордада Қазақстан мен Израиль мемлекетінің президенттерінің кездесуі өтуде
Ақордада Қазақстан мен Израиль мемлекетінің президенттерінің кездесуі өтуде
Астана. 30 маусым. "Қазақстан Бүгін" - Ақордада Қазақстан мен Израиль мемлекетінің президенттерінің кездесуі өтуде, деп хабарлайды "Қазақстан Бүгін" агенттігі.
Бұдан бұрын да хабарлағанымыздай, Израиль мемлекетінің президенті Шимон Перес Қазақстанға мемлекеттік сапармен келді.
ҚР СІМ ақпаратына сәйкес, сапар барысында Шимон Перес Елбасы Нұрсұлтан Назарбаевпен кездесіп, екі ел арасындағы саяси, сауда-экономикалық және мәдени-гуманитарлық салалардағы ынтымақтастықты дамыту мәселелері бойынша келіссөздер жүргізеді. Сапар аясында Израиль президенті Илемдік және дәстүрлі діндер көшбасшыларының III съезіне құрметті қонақ ретінде қатысады.
Ш.Перестің сапары барысында Астанада екі мемлекеттің іскер топ өкілдерінің қатысуымен бизнес-форум өтеді, сондай-ақ ғарыш кеңістігін бейбіт мақсатта игеру, екі елдің сыртқы саяси ведомостволары арасындағы өзара іс-қимыл тақырыбында бірқатар екіжақты келісімдерге қол қою жоспарланып отыр.
Ақпаратты пайдаланған жағдайда "Казахстан Сегодня" ақпараттық агенттігіне гиперсілтеме жасау міндетті. «Қазақстан Бүгін» Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.