Ақордада ҚР Мемлекеттік хатшысы Мұхтар Құл-Мұхаммед Біріккен Араб Имірліктерінің Қазақстандағы Төтенше және Өкілетті Елшісі Ибрахим Хассан Сайфты еліміздегі дипломатиялық миссиясының аяқталуына байланысты қабылдады
ҚР президентінің баспасөз қызтметінің хабарлауынша, М.Құл-Мұхаммед дипломатқа Мемлекет басшысының атынан оның екі ел арасындағы сауда-экономикалық ынтымақтастықтың дамуына қосқан елеулі үлесі және БАИ-нің Қазақстанның сыртқы саяси бастамаларына белсенді атсалысқаны үшін алғыс айтты.
Астана. 6-желтоқсан. Kazakhstan Today - Ақордада ҚР Мемлекеттік хатшысы Мұхтар Құл-Мұхаммед Біріккен Араб Имірліктерінің Қазақстандағы Төтенше және Өкілетті Елшісі Ибрахим Хассан Сайфты еліміздегі дипломатиялық миссиясының аяқталуына байланысты қабылдады, деп хабарлайды Kazakhstan Today агенттігінің тілшісі.
ҚР президентінің баспасөз қызтметінің хабарлауынша, М.Құл-Мұхаммед дипломатқа Мемлекет басшысының атынан оның екі ел арасындағы сауда-экономикалық ынтымақтастықтың дамуына қосқан елеулі үлесі және БАИ-нің Қазақстанның сыртқы саяси бастамаларына белсенді атсалысқаны үшін алғыс айтты.
Кездесуде біздің елдеріміз халықаралық және өңірлік қауіпсіздіктің негізгі мәселелері бойынша ұқсас позиция ұстанатыны атап өтілді. Сонымен қатар, Біріккен Араб Имірліктері Азиядағы өзара іс-қимыл және сенім шаралары кеңесінің белсенді мүшесі болып саналады.
ҚР Мемлекеттік хатшысы екі мемлекеттің инвестициялық саладағы серіктестігін атап өтті. Бүгінде Қазақстанда БАИ қаржысының қатысуымен мұнай-газ секторы және жылжымайтын мүлік саласында бірқатар ірі инвестициялық жобалар жүзеге асырылуда.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.