АҚШ әскери қақтығыстардың тоқтатылуын расында да қалайды дегенге Ресей сенеді
АҚШ әскери қақтығыстардың тоқтатылуын расында да қалайды дегенге Ресей сенеді
Астана. 12 тамыз. "Қазақстан Бүгін" - АҚШ әскери қақтығыстардың тоқтатылуын расында да қалайды дегенге Ресей кәміл сенеді. Бұл туралы Қазақстан Республикасындағы Ресей Федерациясы елшілігінде өткен баспасөз мәслихатында Қазақстандағы РФ істерін уақытша жауаптанған өкіл Владимир Спринчан мәлімдеді, деп хабарлайды агенттік тілшісі.
"Грузия басшылығының Оңтүстік Осетиядағы әрекеттерін Вашингтоннан тікелей басқарып отыр деп айту - тек жорамал ғана... Ол Тбилисиге қарулы күштерді жаңалауға, жеке құрамды жасақтауға, техниканы жаңартуға, оқ-дәрі жеткізуге АҚШ жағы үлкен көмек көрсетуіне негізделіп айтылған. Бұл - құпия емес", - деді В. Спринчан журналистер сауалына берген жауабында.
"Бірақ, АҚШ мемлекеттік хатшысы Кондолиза Райстың РФ СІМ Сергей Лавровпен және Грузия жағымен телефон арқылы келіссөздер жүргізуі, сондай-ақ, президент Буштың қақтығысқа қатысушы жақтарды атыстар мен әскери қимылдарды доғаруға шақыруы АҚШ-тың бейбітшілік ниетін, шиеленісті, соның ішінде әскери іс-қимылдарды тоқтатуды, бейбіт келіссөздерді бастауды қалайтынын паш етеді", - деді елші.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.