АҚШ Конгрессі сенатының делегациясы Қазақстанға келеді
АҚШ Конгрессі сенатының делегациясы Қазақстанға келеді
Астана. 4 тамыз. "Қазақстан Бүгін" - АҚШ Конгрессі сенатының делегациясы 7 тамызда Қазақстанға келеді, деп хабарлайды агенттік тілшісі ҚР СІМ-нің хабарламасына сілтеме жасап.
"АҚШ Конгрессі сенатының демократиялық көпшіліктің жетекшісі Хэрри Рид басқарған делегациясы 7 тамызда Қазақстанға келеді", - делінген хабарламада.
Өкілдер құрамында АҚШ Конгрессі сенатының энергетика және минералды ресурстар комитетінің төрағасы Джефф Бингаман, қарулы күштер, сауда, бюджет, барлау мәселелері жөніндегі комитеттерінің мүшесі Билл Нельсон, халықаралық істер, банк қызметі, бюджет, энергетика және минералды ресурстар, тұрғын үй мәселелері комитетінің мүшесі Роберт Менендез, халықаралық істер, шағын бизнесті дамыту, денсаулық сақтау, білім беру, қоршаған орта және еңбек комитеттерінің мүшесі Джонни Исаксон бар.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.