БАКУ. 31-мамыр. Kazakhstan Today. АҚШ Орталық Азияның көмірсутегі ресурстарын Изербайжан арқылы Еуропаға транзитті тасымалдаудан мүдделі. Бұл туралы АҚШ вице-президентінің ұлттық қауіпсіздік мәселелері жөніндегі көмекшісінің орынбасары Джозеф Вуд бүгін Бакуде Изербайжанның өнеркәсіп және экономика министрі Натик Илиевпен кездесуде мәлімдеді, деп хабарлайды Kazakhstan Today тілшісі.
Кездесуде тараптар негізінен Еуропадағы энергетикалық қауіпсіздік мәселелерін талқылады.
"Ресми Вашингтон Орталық Азияның көмірсутегі ресурстарын Изербайжан арқылы Еуропаға транзитті тасымалдаудан мүдделі және бұл саясатты келешекте де жалғастыра береді. Бұл мәселе бойынша АҚШ Қазақстанмен және Түрікменстанмен белсенді келіссөздер жүргізуде",- деді Д.Вуд.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
АҚШ Орталық Азияның көмірсутегі ресурстарын Изербайжан арқылы Еуропаға транзитті тасымалдаудан мүдделі - АҚШ вице-президенті көмекшісінің орынбасары
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.