АҚШ президенті Джордж Буш Елбасы Нұрсұлтан Назарбаев пен барша Қазақстан халқын Тәуелсіздік күнімен құттықтады
АҚШ президенті Джордж Буш Елбасы Нұрсұлтан Назарбаев пен барша Қазақстан халқын Тәуелсіздік күнімен құттықтады
Астана. 15 желтоқсан. "Қазақстан Бүгін" - АҚШ президенті Джордж Буш Елбасы Нұрсұлтан Назарбаев пен барша Қазақстан халқын Тәуелсіздік күнімен құттықтады, деп хабарлайды агенттік тілшісі президенттің баспасөз қызметіне сілтеме жасап.
Дж.Буш өз жолдауында Америка халқының атынан Н.Назарбаевты және Қазақстан халқын Қазақстан Республикасы Тәуелсіздігінің 17 жылдығымен құттықтайды.
"Біз Сіздің мемлекетіңіздің экономикалық реформаларды ілгерілетудегі және стратегиялық әріптестікті, оның ішінде Ауғанстан мен Ирактағы ынтымақтастықты дамытудағы күш-жігерін жоғары бағалаймыз. Осының арқасында біздің екіжақты қарым-қатынастарымыз нығая түсті. Біз әдеттегідей Қазақстандағы және бүкіл өңірдегі еркіндік, тұрақтылық пен өркенділікті нығайтуға ниеттіміз.
Мен Сізге және Қазақстан халқына алға қойған мақсаттарға жетуді және бейбіт болашақ тілеймін", - делінген жолдаухатта.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.